“Asina ku bo duna naturalesa di Boneiru un chèns, mesora diferente sorto di palu ta kuminsá krese i ta bin diversidat.” segun e persona ku a inisiá e idea, señor Johan van Blerk di Tera Barra. E fundashon ta deseá pa por keda konservá biodiversidat na Boneiru i pa asina mustra ku esaki ta posibel riba un tereno di sinku hèktar. Pa yuda naturalesa, nan a bin ku e idea pa planta palu nan lokal den un greenhouse ku lo wordu usá pa reforestashon na Boneiru. Asina a planta 500 palu na Klein Bonaire i a repartí 700 palma grátis. Kada siman, 20 boluntario ta bin yuda na Tera Barra. Den pasado miembronan di Rotary Club Bonaire (RCB) a yuda Tera Barra ku harmamentu di un greenhouse.
Ku un proyekto nobo di edukashon, Tera Barra ta deseá pa mustra kon bo por kria i mantené kabritunan na Boneiru, sin ku nan ta kome matanan bèrdè i distruí e balanza den naturalesa. Rotary Club Bonaire ta sostené e proyekto aki awor ku un donashon di $2.200. E inisadó, Johan van Blerk, a duna splikashon tokante e trabou di e fundashon i a risibí e chèk simbóliko ku palabra di gratitut.
BròKèS 93.5 ………… Skuch’é!
.png)
