Na November 2022 miembronan di “Vroom RC Bonaire”, kual ta e organisashon No-Official di outonan remote control (RC Car) na Bonaire, a tuma nota di un kareda ku ta bai tuma lugá den luna di mart 2023 na California i pa ser mas eksakto na Bakersfield.
Ethuriel Nicolaas a hasi e kontaktonan nesesario pa logra haña tur informashon nesesario p'asina evaluá si un delegashon di Boneiru por bai presensiá òf partisipá na e magno evento aki, kual ta konta ku riba shentinobenta partisipante/ RC car.
Na Boneiru tin alrededor di diessinku di e tipo di RC car nan aki i mesora e interes a lanta pa bai e evento '1/5th (fifth) Scale Offroad World Championship 2023' ku a tuma lugá riba di 2 t/k 5 mart 2023. Hasiendo esaki, a bira e promé bes ku un team di Boneiru a partisipá internashonalmente den e ramo di deporte aki.
Despues ku a hasi tur e tramitenan lokal i internashonal, e delegashon konsistiendo di
Ivan Coffie, Dwight Duncan, Ethuriel Nicolaas i Jerry Frans a yega Los Angeles i seguidamente a bai Bakersfield, a sigui mesora ku e proseso pa harma e tres outonan ku a biaha i bai tèst esakinan riba e pista nobo, p'asina por pasa pa e Qualifying race nan.
Durante di “Test day” a opta pa partisipá den e sigiente kategorianan.
Ivan : Rookie,ku su Losi TLR 5B Buggy
Ethuriel : Sportsman Buggy, ku su MCD RR5 Buggy.
Dwight : 40+ Buggy, ku su Losi TLR 5B Buggy.
Karedanan a bai na agrado pero tin ku bisa ku no tabata fasil, ku e sigiente resultadonan:
Ethuriel Nicolaas:
1st Race ; finalisá P2(Posishon nr.2). Lamentablemente sin Dial-in time.
2nd Race; finalisá P8. Konfrontando problema ku su outo. Tempudi 1:22.224/Avg. 52.102
3rd Race ; finalisá P5. Konfrontando problema ku su outo. Tempu di 41.615/Avg. 48.632
Main C : Konfrontá problema ku su outo i eliminá na P6 ku un tempu di 44.038
Dwight Duncan:
1st Race ; finalisá P2. Tempu di 41.970/ Avg. 46.150
2nd Race; finalisá P6. Konfrontando problema ku su outo. Tempudi 42.219/ Avg. 46.774
3rd Race ; finalisá P5. Konfrontando problema ku su outo. Tempu di 44.158/Avg. 53.067
Main A (Final 40+): finalisá P8, Konfrontando problema ku su outo. Tempu 39.296/ Avg 45.455
Main C ; (Sportsman) a finalisá P3. I ta pasa pa Main B. Tempu di41.129
Main B ; (Sportsman Qual, semi final); finalisa P6. Elimina pa Sportsman. No dial in time.
Ivan Coffie:
1st Race ; finalisá P3. Tempu di 43.915/ Avg. 48.150
2nd Race; finalisá P6. Tempudi 43.624/ Avg. 52.102
3rd Race ; finalisá P2. Tempu di 44.595/ Avg. 47.184
Main A (Final Rookie): finalisá P8. Konfrontando problema ku su outo. Tempu di 46.519/ Avg. 56.586
E delegashon ta yama danki na tur miembro di “Vroom RC Bonaire” i pueblo di Boneiru en general ku di un forma òf otro a duna aporte i a biba ku e team via diferente live streaming site, via whatsapp i via facebook.
Un danki na Gerald Silberie (Silfam), Edson 'Fittipaldi' Pieterszi Erica Mercera pa a kere den e Team i tambe pa e sosten i atenshon.
I den mesun rosea un danki tambe na e organisadónan i esnan ku a sostené nos na California/Bakersfied: Brian Sullivan i Shawn Bowie di Maxima/team BSullivan; Brian i Trevor Eiter di HRCR;Chris Higa di LosiTLR;Chris Shaffer and Crew di DRT Racing; Dan Silagydi OBR; Ed Turney di Good Ol Boyz RC Raceway; MattOlson di MOD; Chris Bartolonedi Bartolone Racing,George MacDonald di The Farm 5th Scale Raceway I Maher Busedra diCardinal Racing.
===========================================
BròKèS 93.5 ………… Skuch’é!
.png)
Comments