top of page
ggzsjjg.png

Richard Arends Nombrá Komo Mediador Konflikto Laboral

E funshon di mediador ta inkluí den e Arbeidsgeschillenwet 1946 BES (Lei di Konflikto Laboral 1946 BES). Di akuerdo ku Ministerio di Asuntunan Sosial i Empleo (SZW), e Representante di Reino suplente a nombra Richard Arends komo mediador pa Boneiru, Saba i Sint Eustatius entrante promé di yüli 2024. E ta sigui Anselmo Pontilius, ku tabata mediador for di 2014.

Un klima laboral harmonioso ta di gran importansia na Hulanda Karibense. E mediador ta duna un aporte pa promové esei. E ta hasi esaki entre otro dor di mediashon den konflikto na empresa, pa prevení wèlga. Tambe, e mediador ta duna un aporte na realisashon di cao (kontrato kolektivo di trabou), i riba petishon di (organisashon di) dunadó di trabou i/ òf empleado/ sindikato, e por organisá un referèndùm. Ku un referèndùm asina, por determiná kua ta e sindikato ku mayoria di empleado ta indiká pa representá nan. Ademas, SZW por pidi e mediador pa duna konseho tokante asuntu polítiko-laboral. E mediador no tin un papel den kaso individual.

 


Ministerio di SZW i representante di organisashon di dunadó di trabou i empleado tabata enbolbí den e proseso di selekshon. A nombra Richard Arends pa motibu di su trasfondo hurídiko i su eksperensia amplio, tambe riba tereno di relashon laboral. Ademas, Richard Arends ta un persona konsiderá di ta sumamente kapas pa ehersé e papel di mediador. Na kaminda pa komienso di su trabou ofisial dia promé di yüli 2024, lo e hasi un rekorido pa sera konosí.

 

Si e partidonan ke hasi un apelashon riba e mediador, esei ta posibel via e unidat SZW di RCN, departamento di Asuntunan laboral: arbeidszaken@rijksdienstcn.com, 715 8888 òf 795 5107.

0 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page