Riba Rekomendashon di WEB Den Teporalmente No Por Usa Fasilidatnan Deportivo Den Oranan di Anochi

Riba Konseho di WEB NV no por hasi uso di fasilidatnan deportivo den oranan di anochi.

Pa motibu di e kandela a surgi e siman aki e situashon di distribushon di koriente ta keda delikado i di atenshon. Esaki a pone ku WEB NV a konsehá Indebon pa no hasi uso di fasilidatnan deportivo den oranan di anochi. No por sende lus na e fasilidatnan deportivo aki, te na momento ku e situashon normalisá.

Entrenamentu i enkuentro deportivo durante día por kontinuá te ora ku solo ta permití.

Lo sigui evaluá e situashon i otro siman djaluna 12 di yüni 2023 lo informá si e medida aki lo keda na vigor òf ku lo anulá esaki.

********************************

BròKèS 93.5 ………… Skuch’é!