top of page
Bashi
ggzsjjg.png

Resultado preliminar febrüari 2023 turismo na Boneiru: 15.811 bishitante stayover


Prestashon mensual di turismo na Boneiru


Tourism Corporation Bonaire (TCB) ta partisipá ku na luna di febrüari 2023 Boneiru a yama bon biní na en total 15811 bishitante stayover. A registrá mas ku 15,4% mas bishitante stayover kompará ku febrüari 2019. E dos merkadonan di origen mas grandi di nos isla ta mustra vários señal di kresementu. Tabatin en total 7882 bishitante hulandes (49%) i 3972 bishitante stayover merikano (25%). Nos bishitantenan stayover hulandes ta bini prinsipalmente for di e parti sùit i nort di Hulanda. Mayoria di nos bishitantenan stayover merikano ta bini for di e siguiente ocho estadonan: New York, Florida, Pennsylvania, Wisconsin, California, Massachusetts, Michigan i Minnesota. Mas aleu 1442 (9%) di tur e bishitantenan na Boneiru a bini for di nos isla besiña Kòrsou.


Den luna di febrüari Boneiru a risibí 497 turista stayover kanades, ku kua Canada luna pasá a bira e di kuater merkado di nos isla ku a presta mas mihó. Vários merkado sekundario, entre otro Alemania, Aruba, Bélgika, Fransia, Suisa i Reino Uní den luna di febrüari 2023 a mantené e mesun partisipashon den merkado kompará ku yanüari 2023.


Kontinuamente TCB ta evaluá e situashon di nos industria di turismo pa medio di vigilá e indikadónan mas importante di prestashon i kompará esakinan ku e situashon di promé ku e pandemia. Komo un di Boneiru su añanan di mas eksitoso, awor akí aña 2019 ta sirbi komo barometer pa midi turismo na nos isla.


Bishitantenan for di Merka a keda un promedio di 7 anochi, miéntras bishitantenan for di Hulanda a keda 14 anochi. Mas aleu mayoria bishitante merikano ta di edat mediano (55+), i mayoria bishitante hulandes ta 45+.


Na luna di yanüari 2023 28 barku krusero a bishitá Boneiru, ku en total 70.256 pasahero.

===========================================

BròKèS 93.5 ………… Skuch’é!

4 views0 comments
bottom of page