top of page
ggzsjjg.png

Resultado preliminar di turismo na Boneiru pa luna di mei 2023: 12.609 turista stayover

Resultado preliminar di turismo na Boneiru pa luna di mei 2023:

12.609 turista stayover

Prestashon mensual di turismo na Boneiru


Tourism Corporation Bonaire (TCB) ta anunsiá ku den luna di mei 2023 Boneiru a yama bon biní na en total 12.609 bishitante stayover. Den luna di mei di aña 2019 a registrá 12.100 bishitante stayover. Ku esaki a registrá 4% mas bishitante stayover kompará ku luna di mei di aña 2019. E dos merkadonan di prosedensia mas grandi pa nos isla ta e bishitantenan hulandes, en total 5687 (47,0%) i 3041 bishitante merikano (25,4%). Nos bishitantenan stayover hulandes ta prinsipalmente prosedente di e provinsianan den parti sùit i parti nort di Hulanda, miéntras ku mayoria di nos bishitantenan stayover for di Merka ta bini for di e siguiente seis estadonan: Florida, New York, Californië, Pennsylvania, North Carolina i Texas.


Mas aleu 2023 di tur e bishitantenan pa Boneiru tabata prosedente di nos isla besiña Kòrsou.


Alemania tambe a bini dilanti komo merkado prominente pa Boneiru, ku 284 bishitante stayover registrá den luna di mei, di manera ku luna pasá Alemania a bira e di kuater merkado ku a presta mas mihó.


Merkadonan sekundario, entre otro Aruba, Canada, Bélgika, Suisa, Reino Uní, Colombia i Brasil a mantené nan partisipashon den merkado den luna di mei 2023, komparabel ku luna di aprel 2023.


Kontinuamente TCB ta evaluá e situashon di nos industria di turismo pa medio di vigilá e indikadónan mas importante di prestashon i kompará esakinan ku e situashon di promé ku e pandemia. Awor akí aña 2019 ta sirbi komo barometer pa midi turismo na nos isla.


Bishitantenan for di Merka a keda un promedio di 7 anochi i e bishitantenan for di Hulanda a keda un promedio di 14 anochi. Mas aleu mayoria turista merikano ta di edat mediano (55+), miéntras ku mayoria turista hulandes ta 45+.


Na luna di aprel 2023 16 barku krusero a bishitá Boneiru ku en total 41.465 pasahero.


BròKèS 93.5 ………… Skuch’é!

1 view

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page