Ecuador i Senegal = 1 – 2
Ecuador ta di dos selekshon ku ta Sali for di Grupo A despues di a pèrdè kontra Senegal i a keda di 3 den Grupo A.
E no tabata sufisiente pa Ecuador. Tur kos bon ku nan a logra huntu dirigi pa Gustavo Alfaro a pèrdè despues di a pèrdè 2 - 1 kontra Senegal, ku a klasifika oktavo final di Mundial di Qatar na momentu di keda di dos luga den Grupo A.
Hulanda i Qatar = 2 - 0
Asina mes Hulanda a gana Qatar, el a kaba komo lider di Grupo A ku 7 punto, Senegal 6 punto. Ecuador ku 4 punto i Qatar sin punto a sali for di Grupo A.
Gales i Inlgatera = 0 – 3
Selekshon di Inglatera ta gana Gales 3 – 0 den e wega final di e fecha final di Grupo B di Mundial di Qatar. Tur e golnan a kai den di dos tempu. Ku e resultado aki, Inglatera ta keda na prome luga den nan grupo i esaki ta nifika ku nan lo enfrenta e di dos luga di Grupo A, ku den e kaso aki ta Senegal den oktavo final di torneo.
Iran i USA = 0 – 1
Selekshon di USA ta gana Iran pa un diferensia minimo, den e wega di grupo B di Mundial di Qatar. E úniko gol di e enkuentro Christian Pulisic a hinke na minüt 38 di e prome tempu. Usa tabatin mester di e viktoria pa di manera obligatorio pasa pa oktavo final. E ultimo sekonde nan tabata karga ku emoshon, paso Iran tabata pidi pa wak VAR pa marka pinalty. Sin embargo tur kos a keda manera prome tempu i USA a gana 1 – 0. USA a keda na di segundo lugar i e lo enfrenta Hulanda den oktavo final.
Esaki nan lo bira e proksimo fecha na di e seleskonan ku a pasa pa oktavo final:
Djasabra 3 di Desèmber 2022, 11or di mainta; Hulanda Vs USA
Djadumingu 4 di Desèmber 2022, 3or di atardi; Inglatera Vs Senegal
=========================================== BròKèS 93.5 ………… Skuch’é! https://www.radio935bonaire.com http://radio.garden/listen/bro-ke-s-93-5-fm-boneiru/a1YG6S77 https://www.basilachill.com/#!radio/radiobrokes http://brokes935fm.radiostream123.com https://liveonlineradio.net/radio-brokes-935-Radio
.png)
Comments