Kooperativa Piskabon por mira bek riba un Torneo di Peska eksitoso, kaminda 21 boto a inskribi ku 44 partisipante en total.
Algun punto di hopi importansha pa menshona ta;
Nos invitado nan di hermana isla Saba, ganado nan di e Saba Day Wahoo Tournament di December 2022, tabata presente durante di e torneo i a bai ku 3 premio den e kategoria di boto grandi.
Den kategoria boto chiki, Sr. Marlon Nicolaas huntu ku su yu homber di 11 aña, kual tabata e partisipante di mas chiki, tambe a bai ku 3 premio.
Tambe e torneo a konta ku partisipashon di 2 hoben di 15 aña ku permit di nan Mama nan por a forma parti na e torneo. E hoben nan aki ta un ehempel ku peskeria tin futuro, nan a partisipa ku un sun fish ku nan mes a komberti i usando rema, pues sin motor, a piska durante di e torneo! Algu sigur di aplaudi i sigi enkurasha e hoben nan aki.
Pa finalisa, Kooperativa Piskabon ta wak bek agradesido riba dos dia kual nos por a eksperensia algu nobo, nos a siña hopi, nos a haña feedback konstruktivo i piskado nan por konta ku kooperativa Piskabon lo bolbe organisa mas torneo den futuro. Un danki na tur ku a partisipa i a engrandese e prome torneo aki di Piskabon.
Un danki imenso na tur persona, instansia i kompania ku a duna Piskabon un man, idea i a sponsor di un of otro manera i tur boluntario. Masha masha danki di kurason!
BròKèS 93.5 ………… Skuch’é!
.png)
Comments