REKLUTÁ VOTO PA MEDIO DI VÒLMAGT TA KASTIGABEL

Durante e elekshonnan binidero di 15 di mart votadónan tin mag di vota ku vòlmagt. Personanan ku derecho di voto i ku dia 15 di mart nan mes no por vota, por duna un otro hende un vòlmagt. Ta kastigabel pa aserká votadónan personalmente pa duna un vòlmagt.

Segun lei elektoral ta prohibí pa kontinuamente hala atenshon di votadó òf aserká nan personalmente, di manera ku nan ta duna un vòlmagt bou di man. Reklutashon di voto pa medio di vòlmagt ta en pugna ku lei elektoral i pues kastigabel. Esaki pasobra e votadó mes mester disidí si e ke vota pa medio di vòlmagt i ken e ke apoderá pa hasi esaki. Personanan ku keda aserká di un manera inkorekto pa atkirí voto pa medio di vòlmagt, por hasi denunsia di esaki na polis.

Pa votadónan ku físikamente no ta posibel pa bai vota, pero ku sí ta deseá di bai vota, votamentu pa medio di vòlmagt ta un posibilidat. Via un vòlmagt nan por laga un apoderado vota pa nan. Solamente habitantenan ku a risibí un karchi di vota, por haña apoderashon. Parti patras di e karchi di vota por yena nòmber di e apoderado. Apoderashon por eskrito tambe ta posibel. Por hasi esaki ta pa mas tardá dia 10 di mart 2023 na departamento di Registro Sivil.

===========================================

BròKèS 93.5 ………… Skuch’é!