top of page
ggzsjjg.png

“Reino mester konektá nos, no dividí nos”

ORANJESTAD 06-02-2023– E presidente di Dutch Caribbean Nature Alliance Hellen van der Wal a ekspresá su preokupashon tokante e kolaborashon riba tereno di maneho di naturalesa i kambio di klima den Reino. Segun sra Van der Wal desigualdat, manera e atendementu resien ku e efektonan di kambio di klima, ta trese e kolaborashon akí den peliger. “Pa medio di indiká Boneiru komo showcase pa ‘island states’ (estadonan insular), ta marginá e otro islanan i paisnan hulandes karibense, miéntras ku tur isla tin di haber ku e mesun problemátika. Un trato preferensial asina ta remarkabel, mirando e echo ku kambio di klima ta afektá henter e region. Kolaborashon ta krusial, sigur riba tereno di naturalesa i maneho di naturalesa.” Dia 31 di yanüari último - riba dia ku e patrosinadora di DCNA, Su Altesa Real Prensès Beatrix, ta hasi aña – Dr van der Wal a pidi Famia Real i sekretario di estado Van Huffelen atenshon èkstra pa promové ku Reino no ta dividí nos, pero netamente konektá nos.



Despues di un kaminata intensivo dia 31 di yanüari Famia Real a hasi un bishita na Hòfi Shoko, den Parke Nashonal Arikòk, kaminda entre otro tabatin un enkuentro ku e presidente di Dutch Caribbean Nature Alliance (DCNA). Na e okashon ei a pidi atenshon èkstra pa e aserkamentu konhunto di e islanan i Hulanda ora ta trata di maneho di naturalesa i kon pa anda ku e konsekuensianan di kambio di klima.


“Na e islanan nos tin desafionan similar: no solamente e efektonan di kambio di klima, pero tambe por ehèmpel redukshon di biodiversidat, prosesamentu di shushi i purifikashon di awa shushi i e echo ku nos dependensia di turismo ta muchu grandi. Tur esakinan ta menasá bienestar di habitantenan di e islanan bunita akí i tambe e estado di nos naturalesa. Tur ta eksigí un aserkamentu konhunto i solushonnan basá riba naturalesa.”


Pa hopi aña kaba e aliansa, un ret di organisashon di naturalesa, ta mustra ku kolaborashon ta posibel. Pashon pa naturalesa, pero prinsipalmente interesnan i metanan komun ta forma e núkleo den esaki. Pa e motibu akí aña pasá kaba DCNA a ofresé un plan di akshon pa klima na Hulanda. “Den e plan akí nos ta trese dilanti ku prinsipalmente adaptashon di klima tin prioridat. I e ora ei rápidamente kaba nos ta papiando tokando maneho di naturalesa. Banda di e yamada pa drenta akshon nos ta insistí fuertemente riba nesesidat di un aserkamentu konhunto. Esaki no solamente lo ta na bienestar di e enbolbimentu na e islanan, pero e lo duna mihó resultado tambe i sòru ku ta kompartí konosementu i eksperensia mas mihó. Sin duda pa motibu di e bochincha ku un NGO internashonal a hasi, gabinete hulandes a skohe pa ke hasi Boneiru un ‘showcase’. Riba petishon di e isla akí ta bini un mesa di klima einan awor. Hulanda mester a sòru ku a enbolbí e otro islanan i paisnan tambe den esaki. Na luna di mart di e aña akí un konferensia karibense grandi di klima ta tuma lugá na Aruba. Nos ta aploudí esaki, pero dikon un mesa di klima konhunto no por bini riba e agènda ainda?”, segun Van der Wal.


“Naturalesa no konosé frontera. E konsekuensianan i efektonan di kambio di klima tampoko. Pero pa medio di e struktura estatal i sierto eskohonan di maneho tin ora Reino ta imponé frontera sí. E distinshon entre paisnan KAS i islanan BES ta funesto pa un aserkamentu konhunto di interesnan konhunto. Si solamente algun di e seis islanan ta haña hopi medio i posibilidat, esaki ta difikultá e kolaborashon ku tur e seis islanan. Dikon un isla lo traha huntu ku e otronan, si e por haña tur kos kla reglá kaba? Ironia ta ku Reino, ku netamente mester ta esun ku ta konektá, di e forma akí ta sòru pa divishon. I e echo ku nan ta ‘showcase’ un òf algun isla, ta manda un mensahe robes. Esaki tambe ta afektá e espíritu komunitario i e ta mina interes di e otro islanan i paisnan.”


Na momentu di despedida a ofresé Su Mahestat Prensès Amalia un ehemplar di e DCNA Climate Change Action Plan: “Ta trata akí di nos futuro, i Abo ta forma parti di nos futuro”, segun e presidente di DCNA, kende a invitá Famia Real pa sostené e esfuersonan di DCNA pa yega na un aserkamentu konhunto i kolaborashon i solidaridat entre tur e seis islanan hulandes karibense i Hulanda Oropeo.

===========================================

BròKèS 93.5 ………… Skuch’é!

0 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page