top of page
ggzsjjg.png

Reakshon di Willem Cecilia riba artikulo den AD dia tokante bibiendanan soshal


Bastante fastioso i hopi será den bògt mi mester kualifiká e artíkulo ku a sali djaluna dia 27 di febrüari ultimo den ‘Antilliaans Dagblad’ riba página 12 bou di e título ‘trahamentu di kasnan soshal mester bai mas lihé’. E artíkulo ta duna informashon di un ‘podcast’ ku e título ‘buskando bienes imóbil’ di dia 20 de febrüari ku ta trata invershon den bienes imóbil na Boneiru. Segun e artíkulo e podcast ta pinta un kuadro di un gobièrnu ku ta funshoná malu i un diputado ku no kier tuma mas ku mei ora pa papia riba un proposishon di kasnan soshal.


Un tal sr. Gruyter ta keda straño ku na Boneiru ela papia dos dia ku representantenan di e ministerionan pa ku kasnan soshal pero e diputado responsabel pa esaki ku ta James Kroon, den pitu a laga sa ku e no tin mas ku mei ora pa papia tokante e asuntu. Sr. Gruyter ta yama esaki straño tumando na kuenta ku tin hopi hende riba e isla ku no por haña un kas.


Manera hopi grupo promé ku esun di sr. Gruyter, nan no ta tuma e molester pa siña konosé e isla un tiki mas mihó, profundisá su mes den asuntunan di gobernashon, lei i regla, kultura i maneho. Dia 11 di òktober 2022 konseho insular por sierto a bai di akuerdo ku nota di maneho di tereno 2022-2025. Puntonan klave den e nota ta strukturá e maneho di tereno e añanan ku ta bini i pa aktivá i instrumentario na e momento adekuado pa un implementashon konsistente.


E nota di maneho lo bai kumpli ku ophetivonan atministrativo i ta pidi pa e koperashon nesesario. E nota ta yuda realisá un desaroyo di tereno deseá den sentido kuantitativo i kualitativo i ta yuda den un implementashon íntegro. E desishon di implementashon di e nota di maneho di tereno ainda mester keda aprobá dor di konseho insular i no ta spera esaki promé ku yüni di 2023.


Si sr. Gruyter por a tuma maske un tiki molèster, i mi pregunta ta dikon e representantenan di e ministerionan riba e isla no a bis’é e’seí, e lo por a haña sa ku e instrumentonan di e nota di maneho na promé instansia lo keda utilisá pa nivelá e desbalansa aktual den e oferta i demanda pa loke ta trata hür soshal i medio i kompra. Esaki tin prioridat haltu serka e aktual kolegio pero mas ku klaro tambe pa e siguiente kolegio ku lo sinta despues di dia 15 di mart 2023. Mester di un aselarashon pa resolve e tiponan di kosnan aki mas ku klaro pero e no ta bai di awe pa mañan.


Mas aleu mi ta puntra mi mes dikon e grupo aki no a enbolbí Fundashon Cas Boneriano (FCB). Fundashon tin komo meta entre otro pa establesé i mantené bibiendanan asesibel i pagabel. Dia 10 di désèmber 2022 pa kolmo Fundashon a inisiá ku trahamentu di bibiendanan nobo den e barrio di Hato. Un total di 245 kas lo keda trahá. Gran mayoria di e bibiendanan aki lo keda destiná pa hür pero den nan tambe algun ku por kumpra.


E artíkulo mas aleu ta menshoná ku sr. Gruyter a bishitá Boneiru den desèmber pa e revista ‘Quote’ i ela papia ku gezaghèber. Pero den su kolumna riba e website di (https://www.quotenet.nl/vastgoed/a40357793/bonaire-wooncrisis-column/) ku a keda hepost for di dia 21 di yüli 2022, e ta bisa ku aña pasá (na 2021) ela bin riba e idea pa realisá kasnan soshal ku kapital privá na Boneiru. Di e diputado segun e kolumna i di Fundashon kasimentu e no a haña reakshon, i despues nan no tabata pará masha positivo pa ku e idea. E ta konkluí pues ku Boneiru no ta deseá ‘sabelodos’ pa bin kana rònt i wak kos.


Ela pensa e ora ei di bin ku táktikanan mas pisá dor di pinta e gobièrnu lokal, indirektamente Fundashon Cas Boneriano i de paso e amptenarnan komo inkompetente i inkoperativo pa asina tòg e por logra fòrsa loke e kier. Vida riba un isla ta realmente otro i Boneiru tin su barika yen kaba di tipo di invershonistanan asina ku nan batayon di abogadonan.


Willem A. Cecilia

===========================================

BròKèS 93.5 ………… Skuch’é!

4 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page