Maneho di Ocean ku orguyo ta anunsiá ku Rayshantaly Coffie ta djòin e banda komo parti di nan konsepto renobá. Rayshantaly, un kara no deskonosí den e mundu di músika aki na Boneiru danki na su talento versátil i su prestashonnan musikal, lo eksplorá e fronteranan di diferente género musikal huntu ku e banda.
Ocean, un entertainment band ku tin dos aña kaba aktivo den e mundu di entretenimentu musikal aki na Boneiru, ta konosí pa su músika variá i prestashonnan di alto kalidat.
Durante e último lunanan, maneho di e banda a hasi preparashon interno pa asina hiba Ocean na un nivel mas haltu. Pronto, den kolaborashon ku diferente establesimentu, Ocean lo introdusí algun tradishon nobo invitando pueblo boneriano bin kome, baila i gosa.
Ku atkisishon di Rayshantaly Coffie, Ocean Band ta prepará pa deleitá e pueblo di Boneiru ku un eksperensia inovativo. Fuera di e desaroyonan aki,Ocean tambe tin plan pa lansa diferente produkshon, músika variá riba merkado.
Pa reservashon por tuma kontakto ku Faysel Francisco +599 7950557
òf Janou Troeman na +599 7845293.
.png)
Comentários