Punto di Bista ONNIE EMERENCIANA No Sinta Warda i Kere Kos Lo Drecha

Punto di Bista di ONNIE EMERENCIANA

Bon siman.Trabou ta sigui! Nos no ta sinta warda i kere ku kos lo bai drecha. Si bo ke kambio, bo mes mester hasi e kambio ku bo ke mira.!! E lunanan ku ta bin lo ta enfoká riba‘greenhouse’ na nos skolnan aki na Boneiru.

Pa kombatí pobresa bo mester siña e hende kon e mes mester proveé, buska solushon pa su problema.

Si kuminda, fruta i berdura a bira karu, e ora ei e mes mester siña planta su kuminda.

Kome salú ta ensensial pa bo tin un komunidat sano. Ta p’esei nos ta siña hóbenan kon pa planta, kuida e mata te ora e pari i despues kon i kiko bo por hasi ku e kosecha.

Den e kuadro aki tur skol na Boneiru tin un of mas greenhouse i nos ta regalá, simia di pampuna, tomati, bonchi, berehein, i hopi mas planchi di fruta, berdura i yerba i tambe material i hèrmènt pa nan por planta den greenhouse.

Tur skol tin òf ta haña un kushina pa asina prepare e kosecha i siña kiko mas por hasi ku e loke bo produsí por ehèmpel si ta tomati, kon bo por traha djus di tomati, suus di tomati, tomati pasta, kètup, sous pa pizza etc.

I tambe duna informashon kon saludabel e produkto ta pa bo salú,

Finalmente, kome lokual nan mes produsi!

BròKèS 93.5 ………… Skuch’é!