Resientemente Fundashon Tienda pa Konsumido Boneriano (FTPKB) a publiká su komparashon di preis mensual pa mei 2024 ku a analisá 17 supermerkado na Boneiru.
E komparashon aki ta ofresé konsumidónan informashon balioso tokante e opshonnan di mas faborabel pa nan kumpra.
E lidernan di e bentaha di preis;
1. Caribe Nobo ta liberá e lista ku 69 produkto for di e lista básiko, di kual 29 tabata
mas barata. E produktonan aki tabata un promedio di 55% mas barata ku e
produktonan di e kompetensia, asina aki e konsumidó tin e potensial pa spar un
suma di $79.51
2. Bondigro ta sigui na di dos lugá na su promé partisipashon. Ku 70 produkto for di e lista básiko, di kua 20 ta mas barata kompará ku otro kaminda, e supermerkado aki ta ofresé preisnan ku ta te ku e promedio di 80% mas abou ku e kompetensia. E konsumidó por spar $67.94 riba e produktonan selektá.
3. Jai Xing ta sera e tòp tres ku 85 produkto for di e lista básiko, di kua 14 tabata e preis mas abou ku e kompetensia. Esakinan tabata un promedio di 27% mas barata, ku ta resultá den un suma di spar di $21.56.
Kambionan den partisipashon; Ta bon pa menshoná ku Bondigro ta partisipá pa promé biaha den e komparashon di preis. Di otro banda, Lian Xiang y Foodymarkt a stòp di koperá na mart, i Dragon City (ántes Progresso) no ta partisipá mas desde aña pasa.
Konseho na konsumidó; FTPKB ta enkurashá konsumidónan pa kumpra konsiente.
Siguiendo e komparashonnan mensual i kumpra strategikamente, por realisá redukshon di gastu di komestibel konsiderabel. E fundashon ta konsehá tambe pa konsiderá marka di kas i marka ménos konosí, manera Gewoon, Essential, Goisco, Jumbo, AH, Everyday i Sapollio, ku hopi bia ta mas barata ku marka A.
Meta i Vishon pa Futuro; Meta primario di FTPKB ta pa yuda konsumidónan kumpra produktonan básiko na un manera ekonómiko. FTPKB ta enfatisá ku pa e motibu aki e pais di importashon di e supermerkadonan no ta wòrdu konsiderá den e komparashon.
Ademas, FTPKB ta trahando riba ampliashon di nan 'ganga page' riba e wèpsait, unda ta reuní oferta y deskuento di diferente supermerkado. Aunke e inisiativa aki ta den su fase inisial, FTPK ta purba ekspandé esaki mas leu den koperashon ku e supermerkadonan.
Konklushon; E komparashon di preis mensual di FTPKB ta ofresé un hèrmènt balioso pa konsumidónan na Bonaire hasi eskoho informá den nan kompra. Pa medio di konsulta regular di e komparashonnan i kumpra konsiente, hogarnan por ahustá nan gastunan pa nesesidatnan diario. FTPKB ta keda dediká na transparensia den preis i na stimulá un merkado kompetitivo, ku na final ta benefisiá tur konsumidó riba Boneiru
.png)
Comments