Den e siman di 12 di mei, Sr. Charles Woodley, presidente di e sindikato All for 1 di St. Eustatius tabata na Boneiru i a bishita e direktiva diario di Union di Sindikatonan Boneriano (USIBO) i tambe a hasi un bishita na e sindikato Algemene Federatie van Bonairiaanse Werknemers (AFBW)
All for 1 ta un sindikato ku tin representashon den e sektor di salubridat na St Eustatius.
Sr. Woodley a bini Boneiru pa duna sosten i solidaridat pa e manifestashon organisá dia 12 di mei último. All for 1 tambe ta un di e sindikatonan ku a uni nan mes pa ku e manifestashon.
Parti mainta e tabata tin kombersashon nan ku direktiva diario di USIBO i parti mèrdia e tabata tin kòmbersashon ku Sr. Cherel Kwidama presidente di AFBW.
AFBW tin kontakto ku All for 1 mirando ku nos ta huntu i ku otro sindikato SUPLUA den e negoshashon pa ku e “CAO ZORG BES”.
Tabata un mainta i atardi hopi ameno pa por a sinta i kombersá i interkambiá riba pensamentunan sindikal i laboral di e dos isla nan St Eustatius i Boneiru.
Un di e punto nan ku sigur a papia hopi riba dje ta e manifestashon i e “CAO ZORG BES”.
Sr. Woodley mester a biaha e mesun dia di e manifestashon, atardi pa asina por tabata bek na St Maarten, mirando ku dia 15 mei pa 17 mei tabata tin e negosiashonnan di e “CAO ZORG BES” na St Maarten.
BròKèS 93.5 ………… Skuch’é!
.png)
