top of page
ggzsjjg.png

POR HASI PETISHON PA VÓLMAGT POR ESKRITO TE KU 10 DI MART


Pa elekshon di dia 15 di mart 2023 por hasi petishon pa un vòlmagt por eskrito te ku 10 di mart 2023. E posibilidat pa hasi petishon pa un vòlmagt ta pa votadónan ku no tin oportunidat pa nan mes bai vota, por ehèmpel pa motibu di trabou, malesa òf vakansi. E ora ei e votadó por apoderá un otro votadó pa bai vota p’e. O sea vota pa medio di vòlmagt. E persona ku haña apoderashon por vota ku e vòlmagt solamente na mes momentu ku e ta depositá su mes voto. Paga tinu, dunadónan di trabou ta obligá pa duna votadónan oportunidat pa bai vota, si nan no por hasi esaki pafó di ora di trabou.


Tin dos diferente tipo di vòlmagt, esta e vòlmagt por eskrito ku por pidi te ku 10 di mart 2023 i e vòlmagt bou di man ku nan por duna te ku riba dia di elekshon.


Vòlmagt por eskrito

Pa hasi petishon pa un vòlmagt por eskrito, e votadó por download e formulario ku ta destiná pa esaki: https://www.bonairestemt.nl/wp-content/uploads/Verzoek-om-bij-volmacht-te-stemmen.pdf òf e votadó por bai buska e formulario na Registro Sivil na Kaya Neerlandia 40 i entregá e formulario yená einan. Tantu e último fecha pa pidi e vòlmagt por eskrito komo e prosedura ta stipulá den Lei Elektoral.


E votadó i e persona ku e ta duna vòlmagt tur dos ta yena un parti di e formulario akí. Despues ku nan aprobá su petishon e apoderado ta risibí un prueba di vòlmagt, ku kua e apoderado por bai vota na nòmber di e otro votadó. Solamente e apoderado mes por vota ku e apoderashon den urna elektoral i no por eskrito.


Paga tinu!

No ta posibel pa revoká un vòlmagt por eskrito, pues pensa bon si bo ke duna vòlmagt i ken bo ke duna vòlmagt. Pasobra na momentu ku hasi petishon pa un vòlmagt por eskrito, nan ta deklará bo propio karchi di vota imbálido. Esaki pasobra nan ta nota e number di seri di bo karchi di vota riba e lista di karchi di vota imbálido. Pa e motibu akí no ta posibel mas pa bo mes vota òf pa bo haña un karchi di vota remplasante.


Volmagt bou di man

Banda di e vòlmagt por eskrito te riba dia di elekshon mes por duna tambe un vòlmagt bou di man. Pa duna e apoderashon akí, e votadó ta usa un parti di e karchi di vota (parti patras) ku ta destiná pa esaki. E votadó mester yena e informashonnan i firma e karchi di vota huntu ku e apoderado. Pa e vòlmagt akí tambe ta konta ku un hende por bai vota kuné ora e mes tambe ta bai vota pa e mesun elekshon ei.


Na momentu di vota e apoderado mester mustra un (kopia di) e prueba di identidat di e dunadó di vòlmagt. Riba dia di votashon esaki por ta kaduká maksimalmente 5 aña. Den kaso di un vòlmagt bou di man e apoderado por mustra prueba di identidat di e dunadó di vòlmagt riba un smartphone òf tablet tambe. Gobièrnu di Reino ta purba kombatí maluso di kopia di prueba di identidat. Ta konsehá hende ku ta saka kopia di nan prueba di identidat pa skirbi lo siguiente riba e kopia:

  • ku e ta un kopia

  • pa ken e kopia ta intenshoná

  • e fecha riba kua ta duna e kopia

  • e votadó ta skrap su nùmber di BSN òf su number di sédula

Kontrario na e vòlmagt por eskrito por revoká un vòlmagt bou di man sí. Por ehèmpel ora e dunadó di vòlmagt finalmente tòg tin oportunidat pa e mes bai vota. Esaki por pa medio di pidi e apoderado pa duna e karchi di vota ku a konbertí den vòlmagt bèk. E ora ei por vota nòrmalmente ku e karchi di vota akí.


Maksimalmente 2 vòlmagt

E persona ku nan a duna vòlmagt pa vota pa un otro hende, e apoderado pues, dia di elekshon por aseptá maksimalmente 2 vòlmagt pa kada elekshon. E por vota ku e votonan di vòlmagt akí solamente na mes momentu ku e ta depositá su mes voto. E apoderado ta entregá e prueba di vòlmagt na e urna elektoral. E urna elektoral ta kontrolá su identidat i su karchi di vota tambe promé ku e tin mag di vota.


Reklutá

No por enfatisá sufisiente biaha ku e inisiativa pa duna vòlmagt ta serka e votadó, i no serka e apoderado! Ta severamente prohibí pa reklutá voto pa medio di vòlmagt (sistemátikamente pidi votadó pa firma i entregá nan karchi di vota). Un hende no tin mag di soborná un votadó tampoko pa medio di un regalo òf un promesa òf den un otro forma obligá e votadó pa duna un vòlmagt.

===========================================

BròKèS 93.5 ………… Skuch’é!

6 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page