top of page
ggzsjjg.png

PONENSIA DI ASOTEKO KOMPLETAMENTE FOR DI KONTEKSTO

“Nota di Maneho di Tereno Bonaire” ta trese perspektiva nobo pa suidadanonan di Boneiru.

Ku asombro Kolegio Ehekutivo di Bonaire a tuma nota di un karta di sr. Bijkerk den medionan di komunikashon, kaminda na nòmber di ASOTEKO sr. Bijkerk ta trese dilanti ku den futuro mester paga un preis di merkado pa hana un tereno di èrfpagt. Sr. Bijkerk ta konkluí ku “rikunan lo por kumpra tereno i pobernan lo no por hana tereno pagabel mas.” Gobièrnu di Boneiru ta aklará ku esaki sigur no ta bèrdat.


Kolegio Ehekutivo ta enfatisá ku e maneho di tereno nobo hustamente ta garantisá ku pronto ta bin kas pagabel pa nos komunidat boneriano i ku kada siudadano por logra haña un tereno èrfpagt na un preis hustu.


Bèrdat Konseho Insular a aprobá e Nota di Maneho di Tereno 2022 – 2025 unánimamente den e reunion di 11 di òktober 2022. E nota ta krea e instrumentonan nesesario ku maneho modèrno pa garantisá konstrukshon di bibienda sosial, i tambe kas pa hür i kas propio pa bonerianonan. Tambe ta krea espasio pa un suidadano traha su mes kas. Ta hustamente danki na e maneho nobo akí, ku awor por kuminsá ku preparashon pa konstruí alrededor di 1850 kas spesífikamente pa nos komunidat boneriano ku ta sklamando pa kas pagabel.

Ku introdukshon di e maneho akí, Kolegio Ehekutivo i Konseho Insular ta skohe huntu pa un vishon sumamente ambisioso, pa desaroyá bario i kas di kalidat haltu pa pueblo. Via e plan pa desaroyo di área (gebiedsontwikkelingsplan), gobièrnu lo perkurá pa desaroyá barionan kompleto pa pueblo, kaminda ta dushi pa biba. E barionan aki lo tin kaminda asfaltá, asera pa kana riba dje, skol, krèsh, parke pa mucha hunga, sentro komersial i tambe sufisiente espasio pa servisio públiko pa nos komunidat.


Gobièrnu a reuní diferente biaha ku Sr. Bijkerk i ASOTEKO. Den e reunionnan akí, gobièrnu a informá klaramente di no ta di akuerdo ku e proposishon di ASOTEKO pa laga katapila rosa algun tereno pa pone konteiner ku lus ku awa pa nos bonerianonan biba. Ta nesesario pa investigá kua ta e tiponan di kas prefabriká ku ta adekuá. Nos hendenan meresé un bibienda kualitativo, nan meresé un hogar kómodo. E vishon di gobièrnu ta pa krea bibienda di kalidat manera nos pueblo meresé, en bes di bario marginá.


Ademas, gobièrnu a komuniká desentemente na Sr. Bijkerk i ASOTEKO, ku gobièrnu no ta na fabor pa krea un lista di espera spesial pa miembronan di ASOTEKO so. Gobièrnu ta sirbi henter komunidat, i no ta hustu pa duna un grupo so preferensia riba otro suidadanonan ku tin hopi aña ta wardando via e lista di espera ofisial. Gobièrno ta hasi un yamada i ta urgi tur hende ku ta deseá un kas of un tereno pa inskribí na Direktorado di Planifikashon i Desaroyo (R&O). Tene kuenta ku e úniko lista di espera ofisial ta na e direktorado akí.


Pa klousurá, gobièrnu ta informá ku, despues di un periodo hopi largu, awor tin un vishon i ambishon ku komo meta prinsipal pa desaroyá un kandidat di tereno pa traha mas òf ménos 1850 kas pa nos pueblo den e próksimo añanan. E kasnan akí lo ta pagabel i ubiká den barionan bon planifiká. Ku esaki, porfin tur siudadano, hóben, hende grandi i tur famia boneriano tin un perspektiva pa yega na nan mes kas. Pronto gobièrnu lo lansa un kampaña di informashon tokante bibienda pa komunidat di Boneiru.

BròKèS 93.5 ………… Skuch’é!

2 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page