Den oranan di mainta riba djaweps 24 di ougùstùs, Kuerpo Polisial Hulanda Karibense (KPCN) a tene un kòntròl di tráfiko dirigí riba velosidat di vehíkulonan.
E kòntròl di tráfiko a tuma lugá riba Kaya Ir. R. Statius van Eps. A midi velosidat di e vehíkulonan ku tabata aserkando ku un aparato pa midi velosidat spesial (lasergun). Riba Kaya Ir. R. Statius van Eps e velosidat máksimo ku ta permití ta 60 km pa ora. Durante e kòntròl a midi velosidat di un total di 20 outo i a duna 6 prosèsferbal pa surpasá e velosidat máksimo ku ta permití. E velosidat ku a midi tabata entre 74 pa 93 km pa ora.
KPCN lo kontinuá ku e tipo di kòntròl dirigí riba velosidat aki den dianan binidero na diferente parti di nos isla i ta atvertí tur outomobilista pa paga tinu riba nan velosidat. Den área residensial, 40 km pa ora ta e velosidat máksimo permití i pafó di área residensial ta 60 km pa ora.
BròKèS 93.5 ………… Skuch’é!
.png)
Comments