Muhe aleman di 72 aña tabata keda den un kamber di hospital na Alemania. Mayoria biaha hospital tin kamber separa, pero no semper ta asina. Un kompania den kamber no mester ta un problema, e muhe aki en kuestion tambata sinti'é diferente al respekto. Su bisiña di 79 aña tabata pega na un mashin respiratorio ku den su opinion e mashin tabata hasi hopi bochincha. E iritashon di e muhe probabelmente tabata asina haltu ku e la disidí di paga e mashin kompletamente durante anochi. E zusternan a aktua lihe i a sigura e pashent ku su bisiña no por hala rosea su so i ku e mashin tabata nesesario. Lo por a pensa ku e muhe tabata hopi spanta, sinembargo e no a stòp e prome biaha.
E mesun anochi e pashènt a bolbe paga e mashin. E zuster nan mester a resusita su besiña. Eventuelamente e la sobrebibí e reanimashon i ahinda no a komparti mas informashon mediko di su kondishon. Sinembargo e pashènt di 72 aña si no a skapa sin konsekuensia. Segun Bild, polis aleman ta wak e akshon aki komo intento di asesinato. Despues ku a pèrmiti'é Sali for di hospital, nan a detene. Ahinda nan no a anunsia nada tokante e investigashon òf e konsekuensia di su akshon.
===========================================
BròKèS 93.5 ………… Skuch’é!
.png)
Comments