Elekshon pa Konseho Insular di 15 di Mart 2023 a duna komo resultado ku Demokrat a sali viktorioso ku e total di voto mas grandi di Boneiru. Segun anunsio preliminar pa Stemburo Sentral, Clark Abraham, líder di partido, a akumulá un total di 1.635 voto personal, un resultado históriko pa tantu nos partido komo nos isla.
Nos ta felisitá tur otro partido ku a logra saka un òf mas asiento. Komo partido ku e sifra di voto total mas grandi, Demokrat ta mir’e komo su responsabilidat pa tuma e inisiativa pa entamá sondeonan ku tur diferente partido ku lo forma frakshonan den Konseho Insular nobo. Meta di e kòmbersashonan aki ta pa interkambiá ku otro e diferente opinionan ku por tin pa ku próksimo pasonan den formashon di un gobièrnu, i pa determiná kwa mayoria di asiento den Konseho Insular nobo por forma un base stabil di gobernashon ehekutivo nobo, un gobernashon ku ta honra e deseonan ku pueblo a ekspresá na urna.
Kòmbersashonan ta andando na e momentunan aki.
Demokrat a forma un delegashon ku ta konsistí di:
Sr. Ted Rijna, Sr. Dudley Wedervoort i Sr. Arjen de Wolff.
Sr. Dudley Wedervoort lo fungi komo bosero di e delegashon ariba menshoná. Demokrat ta di opinion ku pueblo di Boneiru a klaramente ekspresá un deseo pa kambio. Demokrat lo konsiderá un apelashon pa forma parti di un futuro koalishon i Kolegio Ehekutivo nobo solamente ora Demokrat ta konvensí ku nos por realisá e kambio pa un Boneiru mas hustu i mas duradero.
Direktiva di Partido Demokrat
===========================================
BròKèS 93.5 ………… Skuch’é!
.png)
Comments