PARLAMENTO DI VENEZUELA A FORMA GRUPO DI AMISTAT LEGISLATIVO KU HULANDA.

KOMO STRATEGIA PA BOLBE HABRI FRONTERA KU ISLANAN ABC.

Asamblea Nacional di Venezuela a forma lokual nan a yama un grupo di amistat ku Hulanda, esaki komo strategia den e proseso pa bolbe habri ku nos islanan ABC.

Esaki diputado Fernando Bastidas a deklará resientemente na prensa venezolano.

Segun Bastidas, e relashon di hermandat ku tabata eksistí entre su pais Venezuela i islanan hulandes Aruba, Boneiru i Kòrsou a kibra pa motibu di agreshon ku tabatin kontra Venezuela.

E diputado a añadí ku afortunadamente durante e último lunanan por nota ku portanan a kuminsá habri, i nos ta mirando kambio. Na okashon di e anunsio tabatin presensia di vários funshonario di e kansiyeria venezolano, pero no ta konosí si tabatin tambe representashon hulandes presente.

Tabata resientemente ku gòbièrnu venezolano i esun hulandes a revisá e koperashon di frontera entre Venezuela i nos islanan ABC.

=========================================== BròKèS 93.5 ………… Skuch’é! https://www.radio935bonaire.com http://radio.garden/listen/bro-ke-s-93-5-fm-boneiru/a1YG6S77 https://www.basilachill.com/#!radio/radiobrokes http://brokes935fm.radiostream123.com https://liveonlineradio.net/radio-brokes-935-Radio