Entrante promé di òktober, ministerio di Asuntunan Sosial i Empleo ta oumentá ònderstant pa solteronan ku ta biba independiente i penshun di biuda i wérfano (AWW) na Boneiru, Saba i Sint Eustatius. Ku esaki tur kompensashon mínimo di AOV, ònderstant i AWW ta na nivel di e punto di referensia mínimo sosial.
Na Boneiru, e kompensashon pa biba independiente pa soltero den ònderstant ta subi ku 32 porshento, na Saba ku 25,1 porshento i na Sint Eustatius ku 9,4 porshento. Debí na e subida akí, solteronan ku ta biba independiente i ku tin derechi riba ònderstant (kompleto), ta risibí un kompensashon sosial igual na e punto di referensia mínimo sosial. Komo ku ta paga e ònderstant pa kinsena, esaki ta nifiká un oumento di 63 dòler pa kinsena pa solteronan ku ta biba independiente na Boneiru. Na Saba e kompensashon sosial pa kinsena pa solteronan ku ta biba independiente ta subi ku 58 dòler i na Sint Eustatius ku 22 dòler.
Ta oumentá e AWW tambe entrante promé di òktober na nivel di e punto di referensia mínimo sosial. E montante di AWW pa por ehèmpel biuda for di 58 aña, ta subi na Boneiru ku 111 dòler, na Saba ku 98 dòler i na Sint Eustatius ku mas òf ménos 19 dòler, pa un total di 1.030 dòler pa luna na Boneiru, 1.171 dòler na Saba i 1.101 dòler pa luna na Sint Eustatius.
BròKèS 93.5 ………… Skuch’é!
.png)
Comments