Mi tin e siguiente preguntanan na miembronan di konseho insular i Kolegio Ehekutivo: Kua ta e mihó manera di biba? Kiko ta un bon komunidat. Mi sa ku tin miembronan di Konseho Insular ku a bai selebrá Dia di Sint Maarten sin pone pueblo na altura ni menshoná kiko ta e propósito. Pa djis duna pabien so por a keda kas i manda un èp. Alkohòl ta barata ei nan. Tambe tin den tapara bishitá Hulanda pa sera konosí ku e 150 miembronan nobo di Tweede kamer Esaki sigur no ta transparensia Sekretario di estado Van Huffelen ta na Bonaire pero no tin enkuentro ku Konseho Insular Ta un oportunidat bentá afó pa tuma despedida di Van Huffelen. Ta falta di rèspèt.. Kolegio Ehekutivo ta anunsiá un dia promé ku preis di kombustibel ta subi. E mentalidat di: Ta nos ta manda” a bolbe subi mesa. Ku Van Huffelen ta bai prepará un akuerdo atministrativo pa firma despues. Mester konsultá ku pueblo pa sa kua ta e dolónan, promé ku papia te pa yega na akuerdo. Atrobe falta di rèspèt. Na 2018 konsehal Abraham a bandoná sala i no a firma e akuerdo di 2018-2022 pa motibu ku e prosedimentu no a kana segun reglanan di bon gobernashon. Awèl Clark ata bo oportunidat pa has’é na e manera korekto. Dia 22 di novèmber por vota pa Tweede Kamer pero ningun partido no ta kore kampaña pa nan aliado na Hulanda. Laga nos ta konsiente ku nos voto tin balor pa e simpel motibu ku nos ta manda dos señal. Unu pa Kolegio Ehekutivo i Konseho Insular pa nan sa kua ta e partidonan na Hulanda ku mester aserká den negosiashonnan ku Hulanda. Di dos ta nos deber di laga Hulanda sa ku Bonaire ke ta envolví i ke tin tambe influensia den tomo di desishon ku ta toka Bonaire. Komo parti di Hulanda mi ta mira ku partido Christenunie a asumí su responsabilidat pa Bonaire i a trese e tan sperá alivio sosial pa Bonaire. Mi voto ta pa Christenunie kandidato tres ku ta Don Ceder, Nos no por keda yora ku nos ta hende di segundo rango i bisa Wie betaalt bepaalt. Ban kontestá e dos preguntanan, kon yega na un manera mihó di biba i kiko ta un bon komunidat.
Arthur Sealy
BròKèS 93.5 ………… Skuch’é!
.png)
Comentarios