Djaweps, 4 di aprel 2024, na Ofisina di Notario Rispens, a tuma lugá firmamentu di e akta ofisial pa lantamentu di Fundashon Union di Penshonado Hulanda Karibense (UPHK).
E fundashon nobo akí ta e organisashon nobo ku lo bai fungi
na lugá di UPAH, Sekshon Bonaire.
E miembro di UPAH, Sekshon Bonaire, aña pasá den un reunion general,
ku un mayoria abrumador, a bai di akuerdo
pa e organisashon na Boneiru independisá i para riba propio pia.
Miembronan di e fundashon ta penshonadonan ku a traha pa gobièrnu
òf entidatnan liá ku gobièrnu na Boneiru, Sint Eustatius i Saba
i ku a konstruí un penshun di trabou.
E fundadónan di Union di Penshonado Hulanda Karibense ta
Evelyn Betancourt-Anthony, Oswin Cristina i Alex Frans.
E promé direktiva ta konsistí di Evelyn Betancourt (presidente), Oswin Cristina (tesorero), Jenny Pourier (sekretaria) i Alex Frans (miembro).
Foto: miembronan di e promé direktiva di UPHK
den kompania di notario mr. Robin Rispens
.png)
Comments