top of page
ggzsjjg.png

Opinion Di Willem Cecilia Tokante E Enkuesta Ku Resientemente A Keda Kondusí Pa ‘ABC Online Media’


Mi a wòrdu aserká pa duna un opinion tokante e enkuesta ku resientemente a keda kondusí pa ‘ABC online Media’ den koperashon ku e büró di konsulta ‘Linkels & Partners. E metodologia ku a keda apliká ta un lista di pregunta, aksesibel via di internèt huntu ku 100 hende ku a keda entrevistá personalmente. Loke e enkuesta kier a midi ta generalmente mirá i den mi konsepto, riba kua di e partido polítiko lo bo bai vota kompará ku e último elekshon i dikon.


En general lista di preguntanan ta keda hopi uzá den e kampo sientífko pa midi hechos, aktitut i komportashon di hende. Un enkuesta via di internèt awendia ta hopi popular pasobra e ta un manera fasil, kombeníente i barata pa kolekta datos.


Un enkuesta via di internèt sinembargo ta sufri di dos limitashon metodológiko hopi serio. E promé ta ku bo no por deskribí e populashon bou di kua ta tene e enkuesta i un persona mes por selektá su mes pa tuma parti na e enkuesta. Un investigashon ta bálido solamente si for di un kantidat (e muestra) ku a keda enkuestá òf entrebistá, por generalisá e analisashon di e muestra pa un parti signifikante di e poblashon votadó di Boneiru.


Por ripará ku ta atvertí ku mester ta kuidadaso kon ta interpretá e resultado di e investigashon pasobra e chèns ta grandi ku e enkuesta via internèt por keda manipulá i no por kontrolá ken ta yena esaki. Ku esaki ta keda atmití ku básikamente no por generalisá e resultado na un parti signifikante di e poblashon votadó di Boneiru.

Pa loke ta trata e parti di e enkuesta kaminda a entrevistá e partisipantenan personalmente, ta trese dilanti ku esaki ta mas konfiabel ku esún via internèt pasobra e partisipantenan a keda selektá na manera kompletamente spontáneo. Esaki tampoko no ta kuadra ku bèrdat. Mi no sa kua nivel di konfiansa a usa pero normalmente ta usa un nivel di konfiansa di 95% ku un margin di eror di 5%. Esaki nifiká en general ku bo tin 5% di chèns ku bo por ta robes.


Na di dos lugá a usa solamente un kantidat di 100 persona komo e muestra pa e analisashon. Na 2019 14.114 persona tabata tin derecho di voto i 9060 ku ta 64% realmente a hasi uzo di esaki. Kitando e votonan no bálido afó ta sobra 8845 votonan bálido. Esaki ta nos populashon. Si realmente bo kier bisa algu di e populashon aki na un nivel di konfiansa di 95%, ku un margin di eror di 5%, anto e kantidat di partisipantenan mester ta aloménos 369 persona.


Na di dos lugá no a bisa nada di e demografia di e partisipantenan. Ku otro palabra kiku ta e karakterístikanan di e muestra ku a tuma. Kuantu a nase na Boneiru, Hulanda, Kòrsou, Sto. Domingo ètsétera, den ki bario nan ta biba i kuantu aña nan tin. E karakterístikanan menshoná mester kuadra ku e populashon en general si bo kier bisa algu a base di e kantidat di muestra kolektá.


Pa loke ta trata e enkuesta ‘ABC online Media’ mi no por enkontrá nada di e tipo di informashonnan aki ku sigur sigur ta balioso ora hasi un analisashon pa despues generalisá esaki na e populashon general ku den e kaso aki ta e votadónan na Boneiru. Konklushon ta ku sientífikamente mirá, e enkuesta aki no tin nada di balor.


Desbentaha ta ku e método usá hopi biaha ta keda konfundí ku un enkuesta sientífikamente responsabelmente ehekutá. Na mihó e resultadonan di e enkuesta di ‘ABC online media’ ta reflehá solamente e punto di bista di esunnan ku a skohe pa partisipá na e enkuesta. Problema ta ku un tipo di enkuesta asina ta keda usá pa otronan komo un instrumento pa manipulá e opinion públiko.


dr. Willem Cicilia


===========================================

BròKèS 93.5 ………… Skuch’é!

7 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page