
Formashon di Kolegio Ehekutivo despues di elekshon a kohe un rumbo ku ta trese disgustu. Pa haña asiento un partido mester di voto i a base di lei ta repartí e asientonan. E resultado ta 3 DP, 3 UPB, 2 MPB i 1 M21. Si DP i UPB ke forma huntu anto mester sinta negoshá. E esfera di negosiashon entre DP i UPB a kuminsá daña mirando ku DP ke pa konta e votonan di nobo i a firma un akuerdo di koperashon ku M21 pa kueste loke kueste mustra ku e ta mas grandi na voto i na asiento i eksigí dos diputado. E wega di gai pilon i balotá Ramoncito ku 56 aña di eksperensia den polítika ta tempu pèrdí. Demokrat ku e strategia malu aki a habri kaminda pa UPB forma ku MPB i M21 a kometé un eror grave di kore firma ku Demokrat. Demokrasia no ta simplemente mayoria di voto pa faboresé sierto grupo, persona òf gremio den komunidat, pero esensial ta maneho di un komunidat. Un biaha mas demokrasia no ta diktadura di sifra ni di lider polítiko. Den henter e wega aki Hennyson ta haña e oportunidat di oro pa bende MPB karu i bisa tantu DP komo UPB pa no bin tene lanta na MPB. Si Demokrat no kambia di aktitut e por sigui konta e votonan te mart 2027 ora tin otro elekshon pa Konseho Insular i Kolegio Elektoral.
Arthur Sealy
===========================================
BròKèS 93.5 ………… Skuch’é!
Commentaires