top of page
ggzsjjg.png

OPINION DI ARTHUR SEALY TOKANTE MALESA


Reunion di Konseho Insular a ilustrá loke mi a skirbi na dos okashon ku Bonaire tin un krísis di outoridat. Na momentu ku frakshon(nan) den Konseho Insular bandoná sala pone ku no tin kuórem nos por pensa hopi kos. Mas mihó ta trata na yega na motibu(nan) di tal desishon. Miembro di konseho Insular ta aktua a base di su konsenshi i no a base di konsultá ku direktiva di partido, konsehero di partido, lider di partido, diputado di partido òf spònser di partido. Kisas e kuater konsehalnan espontáneamente a pensa meskos òf a konsultá promé òf òrdu a bini di “la mano de Dios”. Den Konseho Insular ta reina un kultura di malesa manera koalishon ta aktua a base di poder ku ta sumamente reakshonario.


Tin konflikto entre oposishon i koalishon. Parse ku fanátikonan ta siegu pa e realidat aki e ta mir’e komo un nesesidat. Konseho Insular ta funshoná segun dualismo i no por bai bèk monismo. Mi no ta kritiká ningun konsehal i diputado personal, si tin hende ta kere esei no ta importá mi, pero mi ta protestá i resistí kontra desviashon di regla di bon gobernashon di parti di konsehal i diputadonan. Ta skohe pa forsanan ekonómiko i no pa eliminá e lista di personanan ku ta warda riba pèrmit pa tereno, ta privilegiá esnan ku kapital i otro por sigui sklama yora, papia i aktuá iresponsabel, ta komuniká na ingles i hulandes ku pueblo i ta neglishá papiamentu.


Dia di Bonaire sí ta bini ku un lema hipókrita “Huntu nos ta forma un komunidat” Ken ta nos? Esnan ku ta ekskluí esnan di otro orientashon seksual, ku ta diskriminá otro nashonalidat, ku ta stigmatisá “yu di Kòrsou”, ku no ta duna pèrmit pa tereno, ku ta baha bai Hulanda sin bisa ken ta lider di delegashon i dikon ta keda dos siman, ku ta neglishá esnan marginá, konsehal i diputadonan ku ta pone regla un banda pa motibu ku ta nan ta manda, tae diputadonan ku no ta bini reunion di nan doño di trabou. E mihó kos pa riba Dia di Bonaire ta, konmemorá i laga diputado pidi despensa pa e bagamunderianan aki i diskurso di gezaghèber no por bai solamente riba kosnan bunita pero tambe toka e malesa ku ta eksistí den Konseho Insular i Kolegio Ehekutivo. Bisa abiertamente “Huntu nos a forma un komunidat enfermo”


Arthur Sealy

BròKèS 93.5 ………… Skuch’é!

5 views

コメント


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page