Despues di diskulpa di Hulanda pa e aktonan kontra derecho humano den pasado ta na su lugá pa abitantenan di Bonaire sa ki impakto sklabitut tin riba desendientenan di e katibunan. Grupo di diálogo Bonaire su área di investigashon no ta solamente Bonaire pero tambe e otro islanan den Karibe ku a konosé sklabitut. Un impakto grandi den Karibe ku ta direktamente mará na sklabitut ta e nivel haltu di malesanan króniko ku ta preshon haltu i e dos tiponan di diabétis, mihó konosí komo malesa di suku. Ta probá ku nutrishon, e trato brutu, humiliante tantu físiko komo mental ku e katibunan a pasa aden, strès, trouma i ekskluí nan di e sistema sosial ta e faktornan determinante di e malesanan króniko menshoná. Mi no sa e porsentahe di kantidat di persona ku tin preshon haltu, ku ta pre - diabétiko i diabétiko na Bonaire pero por pensa pa laga salubridat públiko hasi un investigashon. Sigur ta, ku e malesanan aki ta un peso grandi riba e parti finansiero di salubridat. Den kuadro di pago pa e daño hasi komo konsekuensia di sklabitut ta bon pa organisashonnan manera dietista, esnan den pedikur, tiendanan di nutrishon i salú eksplorá e posibilidat pa hasi apelashon riba e fondonan ku Hulanda a pone pa remediá e situashon aki. Netamente e parti di trouma Grupo di diálogo Bonaire ta duna atenshon pa medio di un charla na enkargo di Drs Dimitri Halley sikólogo di Aruba dia promé di febrüari. Di shet’or pa nueb’or di anochi.
Pa mas informashon por tuma kontakto ku miembronan di Grupo di diálogo:
Arthur Sealy na 796 2950
Steven Cicilia na 780 1192
Anthony Cicilia na 515 0260
Ubaldo Anthony na 564 9081
Chon Theodora na 777 3829
===========================================
BròKèS 93.5 ………… Skuch’é!
.png)
