Tin un delegashon for di Hulanda ku ta bin duna informashon tokante un museo di sklabitut na Amsterdam. Pueblo por akudí i tende pero sin ningun klase di partisipashon ku e derecho den tomo di desishon. Ta papia i tende nos pero ta disidí pa nos. Ta algu anti demokrátiko pa aseptá ku ta solamente sierto persona ta destiná pa pensa. Esaki ta e klase elitario di e pensadónan. Laga ta bon kla ku hefe di redakshon di Elseviers Weekblad, señor Arendo Joustra, a trese dilanti ku despues di diskulpa lo a bini un stap inteligente i sigur no konstrukshon di un museo di sklabitut. Bonaire sigur mester di un museo di emansipashon ku su propio mènedjer pa hasi e preparashonnan pa logra algu nobo (Kwartiermaker). Grupo Diálogo Bonaire ke sugirí Konseho Insular i Kolegio Ehekutivo pa awor ku tin fondo relashoná ku pasado di sklabitut pa bini ku un proyekto, mirando ku ta bai restorá edifisio di Kolegio Ehekutivo, pa kombertí e edifisio aki den un museo di emansipashon. Pa e parti abou por bini un sekshon ku istoria di e komersio trans atlántiko ku un biblioteka spesífiko ku dokumentu i artefaktonan relashoná ku sklabitut.
E piso ariba por eksponé por ehèmpel kontribushon di desendiente di tantu katibu komo di doñonan di katibu ku a kontribuí en grandi ku Bonaire. No mester buska asina yamá “Héroe” di 200 aña pasá pero di nos époka. Tin Pacheco Domacassé, Eus Anthony, Cidro Bernabela, Angel Salsbach, Colá Debrot ku a trese e parti di kolonialismo i rasismo den e buki “Mijn zuster de negerin” dilanti, Bòi Herrera ku a pèrkurá ku awe tin un parke nashonal. Pa ami tin Michiel Bijkerk, Ebert Saragosa i Hubert Anthony ku a bringa kontra “brutalidat polisial” No bisa mi ku nan ta ménos ku Martis di Katalina Janga. Tin mas di nos époka. Den kurá di e edifisio pone e muraya di pordon ku nòmber di esnan ku na 1863 a haña libertat. Bonerianonan laga nos tuma e libertat pa sigui nos ruta i kita for di e pensamentu ku e klase elitario di e pensadónan ta super inteligente i asumí e posishon ku “nan” no ta komprendé e tópiko ku nan no a siña na skol.
Arthur Sealy
===========================================
BròKèS 93.5 ………… Skuch’é!
.png)
Comentarios