Aki dos siman kampaña polítiko ta bai bira mas intenso. Ta bini mas informashon tokante elekshon pa Konseho Insular i Kolegio Elektoral. E parti prinsipal ta ku ta un biaha so bo por drenta urna elektoral i bo mester tin bo karchi pa vota i dokumentu pa identifiká bo mes. Un otro posibilidat ta, ku bo por vota na kua urna ku bo ke. Esaki ta bon, pa motibu ku no por bisa kua bario ta wesu di lomba di un partido. Mi ta urgi tantu Konseho Supremo Elektoral komo partidonan polítiko pa splika votamentu ku “volmacht” Pa kuantu hende un persona por vota tantu pa Konseho Insular komo pa Kolegio Elektoral. Pa e voto ta bálido bo mester yena un rònchi ku e pòtlot kòrá den e hòki dilanti nòmber di e kandidato ku bo a skohe. Kòrda bon un rònchi so. Bo por keda sin yena rònchi, loke yama vota blanku. Si bo yena mas ku un rònchi òf skirbi algu riba e papel bo voto no ta bálido. Si bo tin “volmacht” pa vota pa un òf mas persona bo mester vota pa bo i e personanan. No por bai kas i bolbe bin vota ku ‘volmacht” na un otro urna kere ku bo ta sabí. Tin dos buzon, unu pa votonan pa Konseho Insular i otro pa Kolegio Elektoral No tene bèrgwensa sigui instrukshon di e personanan responsabel den e urna. Pa evitá ku despues di ora di trabou tin reinan largu na e urnanan mi ke proponé e siguiente.. Na 2019 tabatin un urna mobil pues lo ta bon pa e aña aki sigui ku e idea aki i posibel kuminsá sink’or di mainta na por ehèmpel Plasa Francisco Goeloe. Segun lei por kuminsá ku un urna mobil mas tempran ku e ora stipulá pero ta sera nuebe or djanochi.
Arthur
===========================================
BròKèS 93.5 ………… Skuch’é!
.png)
Comments