Kampaña polítiko pa elekshon 2023 ku entrevista tantu na radio, korant, televishon, mensahenan riba ret sosial i debate polítiko un tras di otro ku tur lider polítiko den un seshon plenario ta sistemanan ku no ta influensiá e votadó pa skohe òf kambia di partido. A base di tur loke mi a tende, skucha i komentarionan mi a konkluí e siguiente. Tabata un kampaña di hipokresia. E promé echo ta ku Ramoncito ta pone lider polítiko di UPB un banda.Si James no tabata un bon lider dikon ta awor mester kometé e gòlpi di estado aki. Awor Monchi no por papia mas di su muchanan pero mas bien di su karnénan. Otro hipokresia ta e ekspreshon ku makamba no tin nada di bisa na Bonaire. Por ta bèrdat, pero pandemia a mustra ku makamba/Hulanda ta disidí i ku si Bonlab ta haña kontrato si òf no. Otro hipokresia, ta Hulanda ta supsidiá koriente i no partidonan di koalishon. Mas hipokresia. Apertura di stadion renobá na Rincon a tuma lugá ku plaka di makamba VWS ku a resultá den spònser kampaña di UPB. Presidente di FFB i di UPB sa bon bon ku no por meskla deporte ku polítika pero esaki a sosodé djabièrnè dies di mart 2023. Por papia trankilamente di konflikto di interes. Defuntu Aubrey Sealy lo no a laga e kos aki pasa. Otro hipokresia tabata e pregunta di un alumno tokante skrin konsehal riba uso di droga. Interesante. Si e alumno ta kere ku di bèrdat mester skrin konsehal lo ta bon pa eksigí ku ta skrin tur trahadó i alumno di tur sekshon di SGB riba uso di droga i skirbi Grifir un karta i pidi pa skrin tur e konsehalnan ku drenta Konseho Insular despues di elekshon 2023 riba uso di droga.Mi ta ansioso pa tende e reakshonnan. E hipokresia mas grandi ta henter e asuntu di supsidio pa hür. Votadónan a lubidá, rotònde, dam i kareteranan malu. Awor ta nigoshi lukrativo di “Volmacht” tin. Ami ta dispuesto pa duna servisio inkluso ABB pa vota pa un otro persona.
Arthur
===========================================
BròKèS 93.5 ………… Skuch’é!
.png)
Comments