Fin di siman ku a pasa, djasabra i djadumingu, aktividat a tuma lugá, riba e pista pa fever na Onima. Hopi zonido i huma, a pèrkurá pa un bon ambiente. Manera Terrence de Jongh, hefe di INDEBON a indiká, ku e pista ta habrí djasabra i djadumingu ku a pasa i despues ta kontinuá ku un skema. E siman aki, for di djamars 19 di sèptèmber pista ta habrí, tambe djaweps 21 di sèptèmber i fin di siman binidero. E ora ta di 4or pa 7or di anochi.
Djasabra ta turno pa e outonan remote controle. Di e manera aki ta kontinuá ku porta habrí, duna oportunidat na esnan ku ta praktiká e deporte. Bai bèk, Djadumingu 17 di sèptèmber, pista tabata bon bishitá. Hopi hende pa mira e motosaikel, outo, quad i skèlter pone drama riba pista. Djadumingu ta dia ku hopi hende ta aglomerá na kaminda di bai Sorobon i ya pa 2 siman, no ta e kaso. Awor tin posibilidat pa bai un sitio apropiá, destiná pa e deporte di fever. Di e manera aki e parti seguridat, tantu pa e fanátiko i esun ku ta aktivo riba pista, ta seif. Kada kos ta tuma poko tempu pa e haña forma, manera ta bisa.
Di tur manera, e promé fin di siman a bai bon i asina ta kontinuá e siman aki pa dilanti. Remarkabel, hopi bon komentario, tokante e pista nobo. Mas informashon ta sigui pronto, algun kompetensia na horizonte.
BròKèS 93.5 ………… Skuch’é!
.png)
Comments