Djasabra, 29 di yüni 2024 Indebon (Instituto pa deporte Bonaire) a organisá un grandioso Olimpiada pa grandinan di Bonaire na Kompleho deportivo Jorge Nicolaas. E Olimpiada pa grandinan 2024 tabata dediká na Willy Piar i Chio Semeleer.
Tabata despues di diesdos aña ku Indebon a organisá un Olimpiada pa grandinan.
Tabatin un total di dhete grupo di grandinan di barionan Rincon, Nikiboko, Tera Corra, Nort Saliña, Amboina, Antriol i ZW groep, kendenan uniformá den varios koló, a move huntu pa kompetí den e varios weganan ku Indebon a organisá.
E Olimpiada tabatin e siguiente weganan pa kompetí: èstafèt di domino, dart, memory, bolas, tira bala, wega di blas i èstafèt di korementu.
Ademas e grandinan por a disfrutá di músika di DJ, músika di kah'i òrgel i di agrupashon musikal krioyo Foyan Boyz hubenil.
Grupo Antriol Avanti 60+ tabatin e plaser pa partisipá pa promé biaha na e Olimpiada pa grandinan a sa di konkistá e promé premio di e Olimpiada pa grandinan 2024.
Na segundo lugá a resultá grupo Rekresaroyo Tera Kòrá 60+ i e terser premio a bai pa Grupo Flor di Orkidia di Nort Saliña.
Grupo Antriol Avanti 60plus finalmente ta gradisi Terrence de Jongh i su tim pa a organisá un tremendo Olimpiada 2024 pa grandinan di nos isla kaminda nos hendenan di edat mayor di Boneiru a haña un oportunidat pa move i partisipá aktivamente i tambe a.gosa di un dia di enkuentro úniko kaminda prinsipalmente tur esnan presente a disfrutá dje dia di kompetensianan bon organisá.
.png)
Коментарі