top of page
ggzsjjg.png

Notisia Polisial Djárason 26 di aprel te ku Djabièrnè 28 di Aprel 2023

Notisia di polis di djárason 26 di aprel te ku djabièrnè 28 di aprel 2023


Detenshon pa manehá despues ku a konfiská reibeweis; Riba djaweps 27 di aprel, alrededor di 11 or di anochi, meldkamer’ sentral a risibí notifikashon di un aksidente riba Kaya Dr. Jose G. Hernandez.

Durante un kòntròl riba dokumentonan nesesario a resultá ku e shofùr ku a okashoná e aksidente, no tabata disponé di un reibeweis bálido.

Despues di un investigashon mas aleu a resultá ku e shofùr no por a mustra reibeweis bálido pa motibu ku luna pasá, polis a kita su reibeweis pa manehá bou di influensia.

A detené e hòmber di inisial G.T.P. di 62 aña di edat pa manehá despues ku a kita su reibeweis i a okashoná aksidente. Bo ta manehá tòg miéntras bo reibeweis ta konfiská? Esaki ta un echo kastigabel i bo ta kore riesgo di haña kastigu di prisòn òf prolongashon di konfiskashon di bo reibeweis.


Detenshon pa manehá bou di influensia; Djaweps 27 di aprel a detené un hòmber di inisial S.F.M. di 38 aña riba Kaminda Tra’i Montaña relashoná ku manehá bou di influensia.

A para e sospechoso despues ku a mir’e ta kore zeilu riba kaminda. Na momentu ku agentenan a aserk’é, a sinti holó di alkohòl. E sospechoso no kier a kolaborá pa hasi un tèst di rosea. A bai kuné warda di polis kaminda a hasi un análisis di rosea. Relashoná ku resultado di esaki a kita su reibeweis.


Diferente but pa manehá sin hèlm bistí; Den oranan di atardi djaweps 27 di aprel a para dos persona riba un skuter na Kaya Neerlandia. Ambos a haña prosèsferbal pa manehá sin hèlm bistí. Den oranan trempan di anochi un patruya a spòt shofùr di un skuter manehando sin hèlm riba Kaya Beni. Na momentu ku el a mira polis, el a hisa velosidat. Mesora a dun'é señal pa para i despues di un kòntròl mas aleu a resultá ku e no tabatin papelnan di seguro na òrdu i tampoko un plachi di number bálido. E shofùr a haña un prosèsferbal pa manehá sin hèlm bistí i pa e infrakshonnan menshoná.

Algun ratu mas lat a para shofùr di un skuter riba Kaya Internashonal pa kòntròl komo ku e i su pasahero no tabatin hèlm bistí. Durante di e kòntròl a resultá ku e shofùr no tabatin papelnan di seguro bálido. E shofùr i e pasahero a haña un prosèsferbal.


Turista detené pa maltrato; Alrededor di 5.20 or atardi riba djaweps 27 di aprel, ‘meldkamer’ sentral a risibí notifikashon di un kaso di maltrato na Sorobon. E sospechoso a maltratá su yu menor di edat i un dama ku a trata na in


termediá. Dos persona ku a mira loke tabata pasando, a tene e hòmber turista te na momentu ku polis a yega. Na yegada di e patruya, a detené un hòmber di inisial R.C. di 58 aña di edat relashoná ku maltrato. E kaso ta bou di investigashon.


Hòmber enkontrá morto den kas; Riba djaweps 27 di aprel alrededor di 12 or di mèrdia, 'meldkamer' sentral a risibí notifikashon ku a enkontrá un persona ku no ta duna señal di bida den un bibienda na Kaya Shoshori na Rincon.

Mesora polis huntu ku e departamentu forénsiko a bai na e bibienda. Despues di un investigashon, dòkter a konstatá morto natural. Ta trata di un hòmber di inisial B.A.M di 80 aña di edat nasé na Boneiru.


Detenshon pa manehá bou di influensia i sin reibeweis; Riba djaweps 27 di aprel alrededor di 8.15 or, a detené un hòmber en konekshon ku manehá bou di influensia.

Mas aleu a resultá ku e sospechoso tabatin un prohibishon pa manehá. A konfiská su reibeweis kuater(4) luna pasá pa manehá bou di influensia. Pa e motibu aki a konfiská

outo di e sospechoso. Ta trata aki di un hòmber di inisial R.J.B. di 33 aña di edat. Bo ta manehá tòg mientras bo reibeweis ta konfiská? Esaki ta un echo kastigabel i bo ta kore riesgo di haña kastigu di prisòn òf prolongashon di konfiskashon di bo reibeweis.


Aktualisashon: Di dos detenshon den kaso ladronisia negoshi na Kaya Grandi;

Riba djarason 26 di aprel a hasi un di dos detenshon relashoná ku e kaso di ladronisia ku a tuma lugá riba djamars 25 di aprel for di den un negoshi situá na Kaya Grandi.

Riba e dia enkuestion ‘meldkamer’ sentral a risibí notifikashon ku un grupo di turista a hòrta un tas di kueru kostoso. Durante e investigashon, e departamentu di Krímen Komun ‘Veelvoorkomende Criminaliteit’ (VVC) di KPCN a identifiká un di dos persona ku tabata envolví den e kaso di ladronisia menshoná.

Alrededor di 8.30 or di anochi a detené e hòmber di inisial J.J.T. di 33 aña di edat.


Aksidente riba Kaya Nikiboko Sùit; Riba djárason 26 di aprel, alrededor di 5 or di atardi, un aksidente entre dos vehíkulo a tuma lugá riba Kaya Nikiboko Sùit. Durante un kòntròl riba dokumentonan nesesario, a resultá ku shofùr di un di e vehíkulonan no tabatin un seguro bálido i a haña un prosèsferbal.


Aksidente riba Kaminda Nieuw Amsterdam; Riba djárason 26 di aprel, alrededor di 4.15 or di atardi, un aksidente entre dos vehíkulo a tuma lugá riba Kaminda Nieuw Amsterdam. Durante un kòntròl riba dokumentonan nesesario, a resultá ku ámbos shofùr no tabatin un seguro bálido i a haña un prosèsferbal. 5 persona riba dos skuter a haña but pa violashon di lei di tráfiko


Kòntròl rutinario; Djárason 26 di aprel, alrededor di 10.30 or di mainta, durante un patruya rutinario a spòt dos skuter koriendo tras di otro. Riba un di e skuternan tabatin tres persona i e pasaheronan di ámbos skuter no tabatin un hèlm bistí. Polis a duna e shofùrnan señal pa para pa kontrolá dokumentonan nesesario. Niun di dos shofùr no por a mustra un reibeweis bálido i pa e motibu aki nan a haña un prosèsferbal. 

Mas aleu a konfiská ámbos skuter. E tres pasaheronan a haña un prosèsferbal pa motibu ku nan no tabatin un hèlm bistí. Polis ta hasi un yamada na shofùrnan di skuter pa no transportá mas ku un pasahero. Esaki por ta peligroso riba kaminda públiko.


Kòntròl konhunto relashoná ku seguridat laboral; Riba djaluna 24 di April, alrededor di 9 or di mainta, e departamentu di Servisio pa estranhero ‘Vreemdelingen Toezicht’ di KPCN i Inspekshon di labor ‘Arbeidsinspectie’ a tene un kòntròl na un sitio di konstrukshon situá na Kaya J.N.E. Craane. E kòntròl a tuma lugá pa komprobá ku e kompanianan involukrá ta tene nan mes na reglanan ku ta protehá e seguridat laboral.

Mas aleu a kontrolá dokumentonan nesesario. Durante e inspekshon a konstatá algun iregularidat ku tin influensia riba seguridat laboral i a para e trabounan di konstrukshon te na momentu ku a kumpli ku e reglanan. E trabounan di konstrukshon por a kontinuá alrededor di 3 or di atardi despues ku a kumpli ku e medidanan ku tabata eksigí.


Bo a mira algu sospechoso? Yama 717 8000 òf e liña di tep anónimo 9310.


==================================

BròKèS 93.5 ………… Skuch’é!

6 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page