top of page
ggzsjjg.png

Notisia Polisial di Djadumingu 25 i Djaluna 26 di Mei 2024

Detenshonnan pa manehá bou di influensia; Djadumingu 26 di mei, alrededor di 2.55 or di mardugá, a detené un hòmber di inisial S.A.A. di 42 aña di edat riba Kaya Nikiboko Sùit pa manehá bou di influensia di alkohòl. E sospechoso a dal ku su vehíkulo den otro un outo na momentu ku esaki kier a lora i drenta Kaya Roma ku konsekuensia ku e vehíkulonan a bai dal den kurá di un kas. A hasi un tèst di supla ku ámbos shofùr i a resultá ku e sospechoso, esun ku a okashoná e aksidente, a konsumí mas alkohòl ku ta permití i pa e motibu aki el a haña un prohibishon di manehá di seis ora.

 



Djadumingu 26 di mei, alrededor di 8.20 or di anochi, a detené un hòmber di inisial G.J.O. di 36 aña di edat riba Kaminda Gurubu pa manehá bou di influensia di alkohòl. E sospechoso tabata enbolbí den un aksidente entre dos vehíkulo riba e kaminda menshoná. Despues di un kòntròl mas aleu, e sospechoso no por a mustra un reibeweis ni seguro bálido. Tambe a hasi un tèst di supla kuné i a resultá ku el a konsumí mas ku tres biaha e kantidat di alkohòl ku ta permití si bo ta manehá un vehíkulo. A konsekuensia di e resultado di esaki, a konfiská su reibeweis. 

 

Despues di un investigashon mas aleu a resultá ku algun ratu promé, e sospechoso a okashoná un aksidente riba Kaminda Tra’i Montaña i a sigui kore bai. El a dal ku su pikòp den un outo, pa kual motibu e shofùr di e outo a pèrdè kòntròl i drenta mondi. 

Ambulans a transportá shofùr di e outo i e pasahero pa hòspital pa tratamentu médiko.

 

Riba djadumingu 26 di mei, alrededor di 3.20 or di atardi, a detené un hòmber di inisial R.A.M.D. di 54 aña di edat riba Kaya Rafaela pa manehá bou di influensia di alkohòl. E sospechoso a kore bai dal ku su pikòp den un kurá di kas riba e kaya menshoná. A bai kuné warda di polis pa un análisis di rosea i a konsekuensia di e resultado di esaki a konfiská su reibeweis.

 

Ladronisia di skuter; Djadumingu 26 di mei a drenta keho di ladronisia di un skuter koló pretu di e marka Kymco, modèl Agility, ku plachi di number MF-4067. E skuter tabata stashoná dilanti di entrada di un kompleho di apartamento na Kaya Industria. E skuter tabata stashoná ku un lòk di kadena pegá na e wil di patras. Deskonosínan a bai ku e skuter entre 5 or di atardi riba djabièrnè 24 di mei i 7.15 or di mainta riba djasabra 25 di mei. Ta investigando e kaso.

 

Detenshon pa maltrato; Djaluna 27 di mei, alrededor di 2 or di mardugá, a detené un hòmber di inisial R.P.M.F. di 38 aña di edat riba Kaya Dialma pa maltrato. Ta investigando e kaso. 

0 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page