top of page
ggzsjjg.png

Notisia di polis djabièrnè 21 di aprel te ku djaluna 24 di aprel 2023


Detenshon pa maltrato

Riba djadumingu 23 di aprel a detené un hòmber di inisial E.P.R.A. di 41 aña di edat na Kaminda Gurubu en konekshon ku maltrato ku un arma. E sospechoso a maltratá su tio ku un baranka. Ambulans a transportá e víktima pa hòspital pa tratamentu médiko.


Detenshon pa manehá bou di influensia

Den oranan di mardugá riba djadumingu 23 di aprel a detené un dama di inisial H.M.v.N. na Kaya Boneiru en konekshon ku manehá bou di influensia. A konfiská e outo temporalmente.


Aksidente ku skuter

Alrededor di 12.45 or di mardugá un aksidente ku un skuter a tuma lugá riba Kaya Internashonal. E skuter tabata bini for di Belnem, bayendo direkshon di Playa, i pa motibunan deskonosí e shofùr a pèrdè kòntròl i a kai. Ambulans a transport’é pa hòspital pa tratamentu médiko.


Boto sospechoso interseptá

Den oranan di mardugá riba djadumingu 23 di aprel, ‘meldkamer’ sentral a risibí notifikashon di e Sentro di Operashon Marítimo (MOC) di Wardakosta ku a detektá un boto sospechoso riba laman ku tabata bayendo direkshon di Lagun ku velosidat haltu for di Venezuela. Mesora a despachá patruya di polis pa e sitio i a enkontrá 4 persona huntu ku un beibi ku aparentemente tabata wardando e boto sospechoso aserká kosta. Na momentu ku e personanan riba e boto a mira moveshon di patruyanan, nan a kambia direkshon i bai Lac Cai. Patruyanan di Kuerpo Polisial Hulanda Karibense, Koninklijke Marechaussee, Duana i Wardakosta a logra interseptá e boto, pero ya e sospechosonan a logra hui for di e sitio. Algun ratu despues, polis a logra detené 2 sospechoso. Investigashon riba e boto a resultá den 37 saku di karkó a bordo kual a ser entregá na Duana.


A detené un total di 6 persona en konekshon ku e kaso aki. Ta trata aki di 4 hende hòmber: unu di 53 aña di edat di inisial C.B.A., unu di 48 aña di edat di inisial S.S.A., unu di 57 aña di edat di inisial J.J.M. i unu di 44 aña di edat di inisial R.G.F.T. Tambe a detené dos hende muhé: unu di 30 aña di edat di inisial J.J.C.A. i unu di 26 aña di edat di inisial D.M.G.V.


A entregá e beibi na un familiar den akuerdo ku e departamentu di ‘Jeugdzorg’. Tambe a konfiská 2 vehíkulo. E kaso ta bou di investigashon.




Aksidente entre trùk i pikòp

Riba djasabra 22 di aprel, alrededor di 3 or di atardi un aksidente entre dos vehíkulo a tuma lugá riba Miguel Pourier Boulevard (antes Kaya Rincon). Un trùk ku tabata koriendo riba e kaya menshoná a dal den un pikòp dòbel kabina ku tabata saliendo di un sitio di stashoná. Ambulans a transportá shofùr di e pikòp pa hòspital pa tratamentu médiko. A hasi un tèst di supla ku shofùr di e trùk i a detené a konsekuensia di e resultado di e tèst.


Kòntròl di dòmtrùk

Riba djasabra 22 di aprel, agentenan di Kuerpo Polisial Hulanda Karibense (KPCN) a tene kòntròlnan rutinario na diferente parti di nos isla. Durante e kòntròl a para i kontrolá algun dòmtrùk. A duna kuater (4) prosèsferbal pa transportá karga kousando peliger pa otro partisipantenan den tráfiko (belading) i pa entre otro kore sin plachi di number. A kontrolá tambe lus di direkshon (richtingaanwijzer) i lus di brek.


Na mes momentu a para i kontrolá diferente vehíkulo. A duna shete (7) prosèsferbal pa kore sin plachi di number pegá na bùmper dilanti di e vehíkulo i 1 prosèsferbal pa uso di telefòn tras di stür.


Den oranan di atardi bai kue anochi, a kontrolá diferente vehíkulo i a duna dieskuater (14) prosèsferbal pa e siguiente infrakshonnan:

3x pa manehá sin seguro bálido

3x pa manehá sin reibeweis bálido

4x kore ku lus dañá

1x pa uzo di telefòn tras di stür

2x kore sin plachi di number na bùmper dilanti

1x pa kore den direkshon prohibí


KPCN ta hasi un apelashon na tur shofùr pa mantené nan mes na e reglanan di tráfiko. Durante e kòntròlnan aki agentenan lo sòru pa tur partisipante den tráfiko tene nan mes na e leinan preskribí pa nan mesun seguridat. Kòntròlnan di tráfiko ta kontinuá ku regularidat i violashon di lei tin konsekuensianan severo.

===========================================

BròKèS 93.5 ………… Skuch’é!


5 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page