top of page
ggzsjjg.png

Notisia di polis di Djasabra 25 di Mei 2024

Ladronisia di motor di boto; Djasabra 25 di mei a drenta keho di ladronisia di un motor di boto koló shinishi skur di e marka Yamaha, di 75 horsepower. E boto tabata mará na altura di e marina riba Bulevar Julio A. Abraham. Deskonosínan a bai ku e motor di e boto entre 6 or di atardi riba djabièrnè 24 di mei i 7 or di anochi riba djasabra 25 di mei. Ta investigando e kaso.

 


Kiebro den kas; Djasabra 25 di mei a drenta keho di kiebro den un kas situá na Kaya Taki. Entre 10 or di mainta i 12 or di mèrdia riba e mesun dia, deskonosínan a drenta den e kas via di un bentana ku tabata habrí i a bai ku entre otro joya i un brel di solo. Ta investigando e kaso.

 

Detenshon; Djasabra 25 di mei, alrededor di 8.45 or di mainta, a detené un hòmber di inisial R.R.S. di 32 aña di edat riba Kaya Dr. Jose G. Hernandez pa insulto di un ámtenar den funshon, pa buracheria públiko, pa resistí detenshon i pa menasa. Durante un kòntròl rutinario di un outo di famia riba e kaya menshoná, e sospechoso a kuminsá zundra, insultá i menasá un agente polisial. A dun’é òrdu diferente biaha pa tene distansia pa asina e agentenan por a hasi nan trabou, pero e no a duna oido na esaki. Na e momentu ei a detené.

Durante su detenshon e sospechoso a resistí fuertemente. E no tabata ke koperá ku su detenshon i a kuminsá komportá di forma agresivo tantu ferbal i komo físiko kontra e agentenan.

Kuerpo Polisial Hulanda Karibense ta rekordá un i tur ku no ta tolerá niun tipo di violensia ferbal òf físiko kontra agentenan polisial.  Agentenan tin tur derecho pa entregá un keho kontra sospechoso(nan) pa kualkier forma di maltrato ku nan eksperensiá tantu ku unifòrm òf sin unifòrm. Un komportashon trankil di un i tur durante kòntròl i na momentu ku konstatá violashon, ta kondusí na un solushon pasífiko ku ta deseabel pa un i tur. 

 

Detenshon pa no kumpli ku òrdu di polis; Djasabra 25 di mei, alrededor di 8.55 or di mainta, a detené un hòmber di inisial R.M.W. di 24 aña di edat riba Kaya Dr. Jose G. Hernandez pa no kumpli ku òrdu di polis. A para e sospechoso pa un kòntròl rutinario i e no por a mustra un reibeweis. Pa e motibu aki e no por a sigui kore e outo i mester a entregá e agentenan e yabi di e outo. E no a kumpli ku esaki i a detené. E sospechoso a haña un but tambe pa manehá sin reibeweis i a hiba e outo warda di polis. Ta investigando e kaso.

1 view

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page