Notisia di polis di djaluna 22 mei te ku djárason 24 mei 2023

Detenshon pa maltrato severo

Den oranan di mardugá riba djárason 24 di mei a detené un hòmber di inisial E.P.S. di 23 aña en konekshon ku maltrato severo i pa intento di asesinato. E sospechoso a maltratá un hòmber ku un bate di beisbòl na un bar na Kaya Korona. Investigashon den e kaso ta andando.

Aksidente entre tres vehíkulo

Riba djamars 23 di mei, alrededor di 6.15 or di atardi un aksidente entre tres vehíkulo a tuma lugá riba Kaya Gobernador Nicolaas Debrot. Ta trata aki di un trùk di kompania, un ‘crosser’ i un outo di famia. Ambulans a transportá shofùr di e ‘crosser’ ku urgensia pa hòspital pa tratamentu médiko. Departamento di tráfiko ta investigando e aksidente.

Detenshon pa manehá bou di influensia

Den oranan di anochi riba djaluna 22 di mei a detené un hòmber di inisial S.A.P. di 60 aña di edat en konekshon ku manehá bou di influensia. E sospechoso tabata enbolbí den un aksidente riba Kaya Korona. A hasi un tèst di supla kuné i a resultá ku e tabata bou di influensia di alkohòl. A konsekuensia di e resultado a detené i hib’é warda di polis pa un análisis di rosea.

BròKèS 93.5 ………… Skuch’é!