top of page
ggzsjjg.png

Notisia di polis di djaluna 13 di novèmber te ku djárason 15 di novèmber 2023


Detenshon Lei di Opio; Djaluna 13 di novèmber, alrededor di 10 or di anochi, ‘polis a risibí notifikashon tokante un outo sospechoso na Kaya Klafir. E vehíkulo tabata pará pa oranan largu ku su motor sendé. Na yegada di e patruya a topa un pikòp ku dos persona drumí. Pa kontrolá ku tur kos tabata bon ku e pasaheronan, polis a opta pa lanta e personanan for di soño. Na momentu ku e agentenan a habri porta di e vehíkulo i a kuminsá kombersá ku e shofùr, a sinti un holó fuerte di probablemente supstansianan narkótiko.


E agentenan mesora hasi un kòntròl den kuadro Lei di Opio BES. Tabatin tres tas dilanti riba e stul di pasahero di kua e shofùr a kue un di e tasnan i a tir’é den mondi.

Despues di un investigashon, a enkontrá den e tas algun saku chikitu di plèstik ku probablemente ta supstansianan narkótiko i tambe dos blòki chikitu di probablemente hash. Durante kòntròl den e vehíkulo a haña un saku chikitu mas ku supstansianan probablemente narkótiko. Pa e motibu aki a detené e hòmber di inisial J.L.M. di 35 aña di edat pa violashon di Lei di Opio BES.


Aksidente; Damars 14 di novèmber , alrededor di 7.15 or di mainta, tabatin un aksidente entre dos outo na e skina di Kaminda Djabou i Kaya Neerlandia. Un di e paseheronan, un menor di edat a resultá levemente heridá. Personal di ambulans a opta pa transportá ámbos menor di edat ku tabata den un di e outonan enbolbí, pa hòspital pa tratamentu i kòntròl médiko.


Kòntròl di tráfiko planiá; Den oranan di mainta riba djárason 15 di novèmber, a tene un kòntròl di tráfiko riba Kaya Internashonal. A kontrolá un total di trinta(30) vehíkulo i a duna nuebe(9) but.

E butnan tabata pa lo siguiente: 1x pa manehá sin reibeweis bálido; 4x pa manehá sin seguro bálido;

4x pa manehá sin faha di seguridat bistí.

Turista ta fayesé; Djárason 15 di novèmber, alrededor di 1 or di mèrdia, un hòmber ku a bira malu na momentu ku e tabata snòrkel. E hòmber tabata un turista krusero ku a bai snòrkel ku un grupo.

A hiba e víktima kantu ku boto kaminda personal di ambulans mesora a kuminsá ku reanimashon. Ambulans a transportá e viktima pa hòspital, na unda despues lamentablemente el a fayesé.

Ta trata di un turista maskulino di inisial R.L.B. nasé riba 5 di yüni 1953 na Estados Unidos.

BròKèS 93.5 ………… Skuch’é!

0 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page