Kòntròl di tráfiko
Den oranan di anochi riba djamars 11 di aprel, a tene un kòntròl di tráfiko planiá riba Kaya Libertador Simon Bolivar. Durante di e kòntròl aki a kontrolá un total di 9 vehíkulo. A duna un total di 2 prosèsferbal. Ámbos tabata pa manehá sin seguro bálido.
Detenshon pa manehá bou di influensia
Riba djadumingu 9 di aprel, a detené un hòmber di inisial F.E.C.V den Centrumgebied en konekshon ku manehá bou di influensia. E sospechoso a dal den un outo i kier a sigui kore na momentu ku e tabata bai for di e sitio. Despues di un kòntròl mas aleu a resultá ku e tabata bou di influensia di alkohòl i a hasi un tèst di supla kuné. A konsekuensia di e resultado a detené i hib’e warda di polis pa un análisis di rosea.
Detenshon
Den oranan di mardugá riba djadumingu 9 di aprel, a detené un hòmber di inisial R.V.M na Kaya Carmen. Despues di a risibí notifikashon di un persona no deseá na un kas na e adrès menshoná, un patruya a bai i a topa ku e hòmber. Na yegada di e patruya e hòmber a trata na kore bai pero polis a logra par’e. Despues di un kòntròl mas aleu tabata suponé ku e sospechoso tabata bou di influensia, i a dun’é òrdu pa hasi un tèst di supla. A konsekuensia di e resultado di e tèst di supla, a detené. A hib’e warda di polis pa un análisis di rosea. E sospechoso a haña tambe un prosèsferbal pa manehá sin seguro bálido, pa manehá sin faha di seguridat bistí i pa manehá sin plachi di number.
Detenshon pa manehá bou di influensia ta oumentando
Den e periodo tras di lomba a realisá un kantidat di detenshon riba karetera públiko pa manehá bou di influensia di alkohòl. Kuerpo Polisial Hulanda Karibense ke avisá pa konsumí alkohòl ku límite si bo ta partisipá den tráfiko. Asina bo ta prevení situashonnan fèrfelu pa bo mes i pa otronan. Ta prohibí pa partisipá den tráfiko si bo a konsumí mas ku e kantidat máksimo permití. Si bo mester bai warda i ta haña un but ta dependé di e resultado di e tèst di supla.
Tèst di supla
Ku un tèst di suplá polis ta kontrolá si bo ta bou di influensia di alkohòl. Bo ta obligá di partisipá na e tèst di supla. E tèst aki ta mustra si bo a bebe mas ku ta permití pa lei. Resultado di e tèst aki ta determiná si bo mester bai warda investigashon mas aleu. Bo ta nenga di hasi e tèst? E ora ei bo ta haña un prosèsferbal. Dependiendo di e resultado di e tèst di supla bo mester bai warda di polis pa un análisis di rosea. Durante e investigashon aki polis ta midi presis kuantu alkohòl bo a konsumí ku un aparato spesial.
Bo ta manehá bou d influensia di alkohòl? E ora ei bo ta haña un but, un prohibishon (temporal) pa manehá, un kastigu di prisòn òf un kombinashon di e kastigunan aki. E peso di e kastigu ta dependé di e seriedat di e situashon. Bo ta involukrá den un aksidente? E ora ei ta tèst bo mas lihé pa konsumo di alkohòl ku durante di un kontrol rutinario.
Mi ta kastigabel si mi ta fuma komo peaton?
Esaki ta posibel. Polis por duna un prosèsferbal pa buracheria públiko. Polis a topa bo den estado burachi? E ora ei polis ta uza bo aparensia di buracheria i bo aktitut. E ora ei no ta hasi un tèst di supla.
Hit & Run
Riba djabièrnè 7 di aprel, un kaso di ‘hit & run’ a tuma lugá riba Kaya Apache. Un outo a alkansá un peaton i a sigui kore bai. A konsekuensia di esaki, e víktima a haña algun herida. Algun ratu despues a detené e sospechoso di inisial J.C.M.M. na un kas. Na warda di polis a hasi un análisis di rosea ku e sospechoso. A konsekuensia di e resultado, a konfiská reibeweis di e sospechoso.
===========================================
BròKèS 93.5 ………… Skuch’é!
.png)
Comments