Aksidente ku skuter
Riba djamars 29 di novèmber, alrededor di 7.15 or di anochi un aksidente ku un skuter a tuma lugá riba Kaya Internashonal. Na momentu ku un outo a bai pasa e skuter, shofùr di e skuter a purba desviá i a bin kai. Ambulans a transporte pa hospital pa tratamentu médiko.
Aksidente Kaminda Gurubu
Riba djamars 29 di novèmber, alrededor di 4 or di atardi un aksidente entre dos outo a tuma lugá na Kaminda Gurubu. Ambulans a transportá okupante di un di outo nan pa hospital pa tratamentu médiko. Komo ku tabatin huma shinishi ta sali for di tapa di mashin di un di e outonan a informá brantwer. No tabatin otro partikularidat.
Hit & Run
Riba djadumingu 27 di novèmber a drenta keho di ‘hit & run’ ku herido i daño. E dunadó di keho tabata kore riba su skuter riba Bulevar E.E.G. na momentu ku na altura di un hotel el a wanta brek pa krusa kaminda. Na e momentu ei e outo ku tabata biniendo su tras a dal e. E dunadó di keho a lora ofer di dak di e outo bai kai abou. Seguidamente e outo a sigui kore bai. E dunadó di keho tabata herida na su rudia i skoudernan. Ta investigando e kaso.
Si tin kualke persona ku a mira òf sa algu tokante e kaso aki, tuma kontakto ku polis na 715 8000, 911 òf 112 òf via e liña di tep anónimo 9310.
Kiebro den kas
Riba djabièrnè 25 di novèmber a drenta keho di kiebro den kas situá na Kaya Chikucha. Entre djaweps 24 di novèmber i djabièrnè 25 di novèmber, deskonosínan a kibra drenta i a bai ku entre otro un Playstation i sèn kèsh. No ta konosí kon e malechornan a drenta e kas. E kaso ta bou di investigashon.
===========================================
BròKèS 93.5 ………… Skuch’é!
https://www.radio935bonaire.com
http://radio.garden/listen/bro-ke-s-93-5-fm-boneiru/a1YG6S77
https://www.basilachill.com/#!radio/radiobrokes
http://brokes935fm.radiostream123.com
https://liveonlineradio.net/radio-brokes-935-Radio
.png)
