top of page
ggzsjjg.png

Notisia di polis di djabièrnè 20 di òktober te ku djaweps 26 di òktober 2023


Aksidente ku siklista i skuter; Alrededor di 5 or di atardi di djabièrnè 20 di òktober, meldkamer sentral a risibí notifikashon tokante un aksidente entre un siklista i un skuter riba Kaya Internashonal. Shofùr di e skuter a keda herida i personal di ambulans a trat’e na e sitio mes.

E no mester a bai hospital. E siklista un mucha hòmber di 13 aña ku no a haña herida.


Detenshon; Riba djasabra 21 di òktober a detené un hòmber di inisial F.J.H na un establesimentu sitúa na Bulevar Gobernador Nicolaas Debrot pa maltrato i destrukshon. E sospechoso a maltratá un trahadó di e establesimentu i a destruí algun artíkulo den e establesimentu. Durante di su detenshon por a nota ku e sospechoso tabata papia ku lenga pisa i tambe ku su aliento tabata hole alkohòl.

A listr’e i topa ku kantidat chikitu di yerba paresido na mariwana den su saku. A konfiská esaki.


Ladronisia for di den outo; Riba djaluna 23 di òktober a drenta keho di ladronisia for di un outo ku tabata stashoná dilanti di un kas situá na Kaya Cauca. Entre djadumingu 22 i djaluna 23 di òktober, deskonosínan a bai ku e tayer di banda drechi patras di e outo. Ta investigando e kaso.


Kòntròl di tráfiko plania; Djaluna 23 di òktober i djamars 24 di òktober a tene kòntròlnan di tráfiko plania na Kaya J.N.E. Craane i an altura di Kaya Barakuda. Durante di e kòntròlnan aki a kontrolá si shofùrnan tin un reibeweis bálido i dokumentonan di seguro bálido.


Durante e kòntròl na Kaya J.N.E. Craane a kontrolá un total di 15 shofùr, pa kua a duna tres but. Esakinan tabata pa lo siguiente:

  • 2x manehá si reibeweis bálido

  • 1x manehá sin faha di seguridat bisti


Durante e kòntròl na altura di Kaya Barakuda a para i kontrolá un total di 12 shofùr, kaminda a duna 6 but. Algun shofùr a kometé mas di un violashon.


E violashonnan tabata lo siguiente:

  • 2x manehá sin seguro bálido

  • 2x manehá sin reibeweis bálido

  • 3x manehá sin faha di seguridat bisti


Durante e kòntròl aki shofùr di un outo no por a mustra un reibeweis bálido ni tampoko prueba di seguro bálido. Ademas e tabatin un prueba di identidat ku a kaduká tambe. Su pasahero no tabatin ningun dokumento huntu kuné. A hiba e personanan aki warda di polis pa investigashon mas aleu. For di e investigashon a resultá ku e pasahero tabata permanesé i manera ilegal riba e isla. P’esei a oblig’é pa bandoná e isla e siguiente dia mes riba su mes gastunan. A hiba e outo warda pa ward’e te na momentu ku e doño por mustra un reibeweis i dokumentunan di seguro bálido.


Kiebro den kas; Riba djamars 24 òktober dia drenta keho di kiebro den un kas bou di konstrukshon na Punt Vierkant. Entre djaluna 23 i djamars 24 di òktober, deskonosínan a duna nan mes entrada pa e kas i a bai ku vários hèrmènt. Ta trata di entre otro un zag di sirkulo kolo hel/pretu di marka DeWalt, un “Hammerdrill” ku dos bor kolo hel/pretu di marka DeWalt i un “Compund zaag’ kolo hel/pretu di marka DeWalt. Ta investigando e kaso.


Aksidente entre 4 vehíkulo; Den oranan trempan di mainta riba djamars 24 di òktober, un aksidente entre kuater (4) vehíkulo a tuma lugá riba Bulevar Miguel A. Pourier. Ambulans a transportá shofùr di un di e outonan pa hospital pa tratamentu médiko. A será e kaminda pa un ratu pa asina CRS i ambulans por a ehersé nan tareanan di manera seif. Algu despues e patruya i personal di brantwer a limpia e kaminda promé ku a habrié bek pa tráfiko.

BròKèS 93.5 ………… Skuch’é!

4 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page