top of page
ggzsjjg.png

Notisia di polis di djabièrnè 2 di yüni te ku djaluna 5 di yüni 2023


Kòntròl en konekshon ku ladronisia di skuter

Resientemente Kuerpo Polisial Hulanda Karibense (KPCN) a haña diferente keho en konekshon ku ladronisia di skuter. Pa e motibu aki riba djaluna 5 di yüni, patruyanan di polis a kontrolá diferente skuter i a hasi un detenshon relashoná ku indikashon di inkubrimentu i pa violashon di Lei di Identifikashon BES. Ta trata di un shofùr di inisial L.J.P.G. di 17 aña di edat tabata kore riba un skuter probablemente hòrtá. Mas aleu a dun’é un prosèsferbal pa manehá sin reibeweis i sin seguro bálido. Ta investigando e kaso.


Aksidente entre kuater vehíkulo

Den oranan trempan di mainta riba djadumingu 4 di yüni, un aksidente ku kuater(4) outo envolví a tuma lugá riba Kaya Korona. Outo 1, 2 i 3 tabata kore direkshon di Playa riba Kaya Korona. Outo 4 tabata bini for di direkshon kontrario, direkshon Antriol. Pa motibunan ainda deskonosí, outo 4 a bai dal promé den outo 1, despues den outo 2 i finalmente a bai dal den outo 3. Shofùr di un di e outonan a keda pegá i personal di brantwer a sak’é for di e outo. Ambulans a transportá shofùrnan di outo 1, 2 i 4 pa hòspital pa tratamentu médiko. A hiba outo 4 warda di polis pa mas investigashon.


Aksidente ta kondusí na detenshon

Den oranan di mardugá riba djadumingu 4 di yüni a detené un hòmber di inisial L.A.L.N. di 31 aña di edat en konekshon ku manehá bou di influensia. E sospechoso tabata envolví den un aksidente riba Kaya Pos di Amor di kua el a bai dal den kurá di un kas. Despues di un kòntròl mas aleu a detené i hib’é warda di polis pa un análisis di rosea.


Restunan humano enkontrá

Riba djasabra 3 di yüni, alrededor di 7 or di mainta, ‘meldkamer’ sentral a haña notifikashon ku a haña restunan humano na kosta nort di Boneiru na altura di Morotin. E departamentu forénsiko mesora a inisiá ku investigashon pa identifiká e restunan humano. Algun ratu despues a identifiká e restunan humano. KPCN a konfirmá ku ta trata aki di restunan humano di e hòmber pèrdí, Arthur ‘Turbo’ Cecilia.


BròKèS 93.5 ………… Skuch’é!

2 views

コメント


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page