top of page
ggzsjjg.png

Notisia di polis di djabièrnè 19 di mei i djaluna 22 di mei 2023


Sambuyadó a fayesé

Riba djadumingu 21 di mei, den oranan lat di atardi, ‘meldkamer’ sentral a risibí notifikashon tokante un sambuyadó ku a bira malu na un akomodashon turístiko situá na Bulevar Gobernador Nicolaas Debrot. Na yegada di patruya por a konstatá ku e víktima tabata drentando laman ku intenshon pa bai sambuyá na momentu ku el a bira malu. Despues di investigashon a konstatá morto natural. Ta trata di un dama turista di inisial R.A.S. nasé riba 26 di novèmber 1957, prosedente di Estados Unidos.


Detenshon pa manehá bou di influensia

Alrededor di 10.30 or di anochi riba djadumingu 21 di mei, a detené un hòmber di inisial R.R.R.A di 41 aña di edat na Kaya Nikiboko Sùit en konekshon ku manehá bou di influensia i pa insulto. Un patruya a spòt e outo di e sospechoso ku a kore drenta rotònde ku velosidat haltu. P’e motibu aki a dun’é señal pa para. E sospechoso mesora a kuminsá aktua di forma agresivo den direkshon di e agentenan despues ku el a baha for di outo. Despues di kòntròl mas aleu, e no por a mustra un reibeweis bálido ni tampoko un prueba di seguro bálido. Pa motibu ku e sospechoso tabatin un bòter di serbes huntu kuné, a hasi un tèst di supla. A konsekuensia di e resultado di esaki, a detené pa manehá bou di influensia i a bai kuné warda di polis pa un análisis di rosea. Riba ruta pa bai warda di polis, e sospechoso a sigui ekspresá di forma agresivo den direkshon di e agentenan kual tabata motibu pa a detené tambe pa insulto. A konfiská e outo pa mas investigashon.


Detenshon pa maltrato ku arma

Den oranan di anochi riba djadumingu 21 di mei, a detené un hòmber di inisial N.H. di 38 aña di edat en konekshon ku maltrato. E hòmber a dal un dama ku machete i maltrat’é.


Detenshon pa violashon Lei di Opio BES

Riba djabièrnè 19 di mei a detené dos hòmber en konekshon ku violashon di Lei di Opio BES. A para e sospechosonan pa un kòntròl i a bin topa ku un puiru paresido na kokaina. Ta trata di un hòmber di inisial J.P.B. di 63 aña di edat i un hòmber di inisial E.A.J.V. di 53 aña di edat.


Detenshon pa violensia públiko

Relashoná ku e kaso di violensia públiko ku a tuma lugá riba djaweps 18 di mei na altura di waf di piskadó na Kaya J.N.E. Craane, a detené dos sospechoso riba djabièrnè 19 di mei. Ta trata aki di dos mucha hòmber menor di edat; un di inisial C.C.C.S. di 17 aña di edat i e otro di inisial C.C.C.D. di 16 aña di edat. Investigashon den e kaso ta andando.


BròKèS 93.5 ………… Skuch’é!

0 views

Comentarios


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page