top of page
ggzsjjg.png

Notisia di polis di djabièrnè 1 di desèmber te ku djaluna 4 di desèmber




Detenshon pa menasa ku arma; Den oranan di mainta riba djabièrnè 1 di desèmber a detené un hòmber di inisial N.A.K. di 21 aña di edat pa menasa ku un arma i ladronisia. E sospechoso a menasá un hòmber ku machete. E hòmber mester a akus’é di ladronisia di sèn kèsh for di dje.  Investigashon den e kaso ta andando.


Kòntròl di tráfiko na Kaya Amsterdam; Den oranan lat di atardi djasabra 2 di desèmber a tene un kòntròl di tráfiko planiá na Kaya Amsterdam. E kòntròl tabata pa kontrolá si ta manehá ku reibeweis i dokumentunan di seguro bálido.  A para i kontrolá 9 vehíkulo, di kua 4 shofùr haña un but.

Esakinan tabata pa e siguiente violashonnan di tráfiko: 2x pa manehá sin reibeweis bálido,2x pa manehá sin dokumentonan di seguro bálido


Detenshon pa maltrato; Riba djasabra 2 di desèmber a detené un muhé di inisial Z.W.E. di 36 aña di edat pa maltrato. E sospechoso a maltratá un hòmber. Ta investigando e kaso.


Vários detenshon pa manehá bou di influensia di alkohòl; Den oranan di mardugá riba djasabra 2 di desèmber, alrededor di 2.30 or, ‘meldkamer’ sentral a risibí notifikashon tokante un outo ku tabata manehando sin lus i ku a dal bòrchi di tráfiko benta abou riba Kaya Neerlandia. A topa ku e outo en kuestion riba Bulevar Gobernador Nicolaas Debrot despues ku e shofùr a kore pega riba un baranka ku e outo. E shofùr tabata bou di influensia di alkohòl di tal manera ku no por a hasi un tèst di supla kuné. A detené pa manehá bou di influensia di alkohòl i pa a kousa vários aksidente. Tambe el a haña un but pa manehá sin reibeweis. Ta trata di un hòmber di inisial J.L.C.J. di 43 aña di edat.


Djadumingu 3 di desèmber alrededor di 7.30 or di anochi un aksidente entre un outo i un skuter a tuma lugá riba Kaya Neerlandia. Shofùr di e skuter a deklará ku e tabata manehando riba Kaya Neerlandia, algu mas dilanti algun outo a wanta brek pa e drèmpel ku tin den kaminda. E shofùr di e skuter a pasa e outonan aki. Diripiente un di e outonan a kita na  man drechi dor di kua e skuter a dal den banda di e outo. Despues di kòntròl mas aleu a detené shofùr di e outo, un hòmber di inisial K.U.L.O. di 66 aña di edat, pa manehá bou di influensia di alkohòl.


Den oranan lat di atardi riba djadumingu 3 di desèmber un aksidente a tuma lugá riba Kaya Prinses Marie. Un outo a dal patras di otro outo. Despues di kòntròl mas aleu a resultá ku shofùr di e outo a ku a dal patras di e otro tabata bou di influensia di alkohòl. A detené un hòmber di inisial E.P.H. di 55 aña di edat pa manehá bou di influensia di alkohòl. 


Djadumingu 3 di desèmber alrededor di 11 or di anochi di, un ‘hit & run‘ a tuma lugá riba Kaya J.N.E. Craane. Un polis ku tabata den su tempu liber a mira e suseso i logra para e vehíkulo ku a kousa e ‘hit & run’. A resultá ku e shofùr di ta bou di influensia di alkohòl i mesora a detené. Ta trata di un hòmber di inisial R.A.R di 29 aña.


Djadumingu 3 di desèmber polis a risibí notifikashon tokante un aksidente kaminda un pikòp a bai awa na altura di Sabadeco. Na yegada di patruya a topa ku e pikòp ku dos tayer den awa i dos tayer riba kosta. A hasi un tèst di supla ku e shofùr, despues di kua a detené pa manehá bou di influensia di alkohòl. Pero promé ambulans a transporte pa hospital pa tratamentu médiko. Despues di esaki a manda yama e sospechoso bin warda di polis pa kaba ku e trámitenan di e detenshon. 

Ta trata di un hòmber di inisial S.L.R. di 32 aña di edat.


Ladronisia di skuter; Den oranan di mainta riba djadumingu 3 di desèmber a drenta keho di ladronisia di un skuter kolo pretu ku kòrá di marka Yamaha, ku plachi di number MF-561. 

E skuter tabata stashoná dilanti di un akomodashon turístiko situá nan Kaya L.D. Gerharts i tabata na lòk ku kadena. Entre djasabra 2 di desèmber i djadumingu 3 di desèmber deskonosínan a bai kuné. Ta investigando e kaso.


Detenshon pa maltrato; Djaluna 4 di desèmber a detené un hòmber di inisial S.P. di 47 aña di edat pa maltrato. E sospechoso a maltratá i menasá un dama. Ta investigando e kaso.

BròKèS 93.5 ………… Skuch’é!

7 views

Commenti


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page