Kiebro den kònteiner
Riba djabièrnè 2 di yüni, ‘meldkamer’ sentral a haña notifikashon di kiebro den un kònteiner na un sitio di konstrukshon situá na Kaminda Djabou. Deskonosínan a destruí lòk di e kònteiner entre djaweps 1 di yüni, pa mas o ménos 6 or di atardi i djabièrnè 2 di yüni pa mas o ménos 5.50 or di mainta i a bai ku diferente hèrmènt for di e kònteiner.
Riba djaweps promé di yüni un persona a bin entregá keho di kiebro den un kònteiner situá na Kaya Ramona. Deskonosínan a destruí lòk di e kònteiner entre djamars 23 di mei i djaweps 1 di yüni, i a bai ku diferente hèrmènt for di e kònteiner. Investigashon den ámbos kaso ta andando.
Bo a mira algu sospechoso? Yama 911 òf 7158000 òf e liña di tep anónimo 9310.
Aksidente entre ‘golfcart’ i outo
Riba djaweps promé di yüni, alrededor di 12 or di mardugá un aksidente entre un ‘golfcart’ i un outo a tuma lugá riba Kaya Hermandad. Personal di ambulans a duna asistensia médiko na shofùr di e ‘golfcart’ na e sitio mes. Durante di kòntròl di e dokumentunan nesesario a resultá ku e ‘golfcart’ no tabata sigurá i e shofùr a risibí un prosèsferbal pa esaki.
‘Hit & Run’ riba Kaya Hermandad Den oranan di mardugá alrededor di 3 or di mardugá un ‘hit& run’ a tuma lugá riba Kaya Hermandad. Segun testigunan, un pikòp blanku di marka Mitsubishi, numerá B-4484 a dal den un outo ku tabata stashoná. KPCN ta hasi un yamada na doño di e vehíkulo aki pa mèldu su mes na warda di polis. Investigashon den e kaso ta andando.
BròKèS 93.5 ………… Skuch’é!
.png)
Comments