top of page
ggzsjjg.png

Notisia di polis di djárason 23 di ougùstùs te ku djabièrnè 25 di ougùstùs 2023


Outo na kandela

Riba djabièrnè 25 di ougùstùs alrededor di 12.45 or di mardugá, ‘meldkamer’ sentral a haña notifikashon tokante un outo na kandela na Kaya Viol. Ta trata di un outo di servisio di Kuerpo Polisial Hulanda Karibense. Brantwer a logra paga e kandela. No tabatin herido. Kousa di e kandela no ta konosí. Investigashon den e kaso ta andando.


Detenshon pa enkubrimentu

Riba djaweps 24 di ougùstùs, alrededor di 1.28 or a detené un hòmber di inisial R.F.M. di 17 aña di edat i un hòmber di inisial R.F.M. di 16 aña di edat na Kaya Caracas en konekshon ku enkubrimentu. Un patruya a para un skuter despues ku a mira e sospechosonan tabata kore den direkshon prohibí i sin hèlm bistí. Despues di un kòntròl mas aleu a resultá ku tabata un skuter prosedente di ladronisia. Pa e motibu aki a detené tur dos hòmber ku tabata riba e skuter. Kontinuando ku e investigashon, algun ratu despues a tene un entrada hudisial na un kas na Kaminda Lagun i aki a konfiská un otro skuter prosedente di ladronisia. Investigashon den e kaso ta andando.

Kòntròl di velosidat Den oranan di mainta riba djaweps 24 di ougùstùs, Kuerpo Polisial Hulanda Karibense (KPCN) a tene un kòntròl di tráfiko dirigí riba velosidat di vehíkulonan. E kòntròl di tráfiko a tuma lugá riba Kaya Ir. R. Statius van Eps. A midi velosidat di e vehíkulonan ku tabata aserkando ku un aparato pa midi velosidat spesial (lasergun). Riba Kaya Ir. R. Statius van Eps e velosidat máksimo ku ta permití ta 60 km pa ora. Durante e kòntròl a midi velosidat di un total di 20 outo i a duna 6 prosèsferbal pa surpasá e velosidat máksimo ku ta permití. E velosidat ku a midi tabata entre 74 pa 93 km pa ora.

KPCN lo kontinuá ku e tipo di kòntròl dirigí riba velosidat aki den e próksimo dianan na diferente parti di nos isla i ta atvertí tur outomobilista pa paga tinu riba nan velosidat. Den área urbanisá (bebouwde kom), 40 km pa ora ta e velosidat máksimo permití i pafó di bebouwde kom ta 60 km pa ora.

Detenshon pa manehá bou di influensia

Den oranan di mardugá riba djaweps 24 di ougùstùs, a detené un hòmber di inisial M.S.W. di 22 aña di edat pa manehá bou di influensia di alkohòl i pa violashon di Lei di Opio BES. E sospechoso tabata enbolbí den un aksidente na Kaya Papa Cornes. E sospechoso a dal ku su outo den kurá di un kas. Na yegada di patruya na e sitio a konstatá ku e sospechoso tabata bou di influensia di alkohòl. A hasi un tèst di supla kuné i en konekshon ku e resultado, a detené. Por a sinti tambe holó di mariwana. Na e momentu ei a pasa mesora pa un kòntròl dirigí riba Lei di Opio BES. Den un tas ku e sospechoso tabatin, a haña un saku chikitu ku yerba paresido na supstansia narkótiko. A konfiská esaki.


Diferente prosèsferbal pa violashon den tráfiko

Durante e último dianan a duna prosèsferbal pa diferente violashon di Lei di Tráfiko.

Riba djaweps 24 di ougùstùs, alrededor di 7 or di anochi a para un pikòp riba Kaya Nikiboko Nort despues ku un patruya a spòt e shofùr sin faha di seguridat bistí i e vehíkulo no tabatin un plachi di number bálido. Despues di un kòntròl mas aleu a shofùr no por a mustra papelnan di seguro bálido tampoko. El a haña un prosèsferbal pa e infrakshonnan menshoná. A bai ku e vehíkulo warda di polis. Riba e mesun dia, alrededor di 9.15 or di mainta, un patruya a spòt shofùr di un pikòp na telefòn miéntras e ta manehá. A par’é riba Kaya Nikiboko Súit i e shofùr a haña un prosèsferbal pa uzo di telefòn tras di stür.


Den oranan di anochi riba djárason 23 di ougùstùs, a para dos vehíkulo pa motibu ku nan tabatin un lus di dilanti dañá. Ambos shofùr a haña un prosèsferbal pa esaki. Algun ratu promé a para shofùr di un outo na Hanchi Amboina pa un kòntròl rutinario. E shofùr no por a mustra un reibeweis bálido i tampoko un seguro bálido. El a haña un prosèsferbal pa ámbos infrakshon. Den oranan trempan di anochi a para dos outo pa un kòntròl rutinario. Ambos a haña un prosèsferbal pa manehá sin seguro bálido. Alrededor di 6 or di atardi a para un outo na Kaya Triton despues ku un patruya a spòt e shofùr ku telefòn den man i sin faha di seguridat bistí. Despues di un kòntròl mas aleu e shofùr no por a mustra tampoko un prueba di seguro bálido. El a haña prosèsferbal pa e infrakshonnan menshoná.


Riba djárason 23 di ougùstùs, den oranan di mainta a duna kuater shofùr un prosèsferbal; dos pa manehá sin faha di seguridat bistí, un shofùr a haña prosèsferbal pa manehá ku telefòn den man i un shofùr no por a mustra un reibeweis. Pa esaki el a haña un prosèsferbal.


A sera negoshi móbil sin pèrmit

Den oranan di atardi riba djárason 23 di ougùstùs un patruya a tuma nota di un hòmber ku tabata bende produkto i hala atenshon di outomobilistanan riba Bulevar E.E.G. Na momentu ku a aserk’é, e no por a mustra ningun papel di pèrmit bálido pa operá su negoshi. A suplik’é pa para e bendementu di produkto i pa bandoná e sitio.

BròKèS 93.5 ………… Skuch’é!

8 views

Comentarios


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page