Konseho di Minister, riba rekomendashon di sekretario di estado Van Huffelen di Asuntunan Interno i Relashon den Reino (BZK), a bai di akuerdo pa nombra señora N. (Nicoline) van der Linden- Geertsema, komisario di gobièrnu interno nobo di Sint Eustatius.
E komisario di gobièrnu suplente nobo lo kuminsá ku su tarea riba 15 di yüni. E ta susesor di señora Claudia Toet ku ta bai traha komo direktor di Belastingdienst Caribisch Nederland na Belastingdienst Boneiru. Sekretario di estado Van Huffelen ta masha gradesido na señora Toet pa su esfuerso grandi na Sint Eustatius.
Komisario di gobièrnu suplente nobo, señora Nicoline van der Linden, a nase i krese na Amersfoort. E ta un mènedjer eksperensiá ku eksperensia polítiko atministrativo amplio.
Di 2020 te ku awor, e tabata direktor di programa suplente di direktorado di programa Fortifikashon i Perspektiva na Groningen, pa e ministerionan di Asuntunan Interno i Relashon den Reino i di Asuntunan Ekonómiko i Klima.
Na ministerio di BZK e tabata hefe suplente di e sekshon di Area Sosial na direktorado di Atministrashon, Finansa i Regionnan i promé ku esei e tabata hefe suplente di e sekshon di Kompra i Merkado di Kapital di e direktorado Merkado di Bibienda. Señora Van der Linden tabata di 2009 te na komienso di 2016, hefe di e sekshon di Relashon di Reino na direktorado di Relashonnan den Reino.
BròKèS 93.5 ………… Skuch’é!
.png)
Comments