top of page
ggzsjjg.png

Nòchi Willem, konsehero di Union Sindikal Boneriano, USIBO

Sindikalismo lo bai denunsiá tur empresario di mala fe ku ta violá nos lei- i reglanan laboral tantu lokal komo internashonal i ku ta eksplotá, abusá i falta rèspèt pa e trahadó komo ser humano.

Sindikalismo ta kere i ta apoyá tur sosten ku por duna na empresarionan pa nos por desaroyá un ekonomia fuerte i duradero. E kompromiso ei sindikalismo a sera den Diálogo Sentral. Pero tambe partidonan a sera e kompromiso ku nos lo traha huntu pa e ekonomia aki no ta un meta riba su mes, pero ku e mester sirbi pa alsa i mehorá kalidat di bida di esnan ku ta karga e ekonomia aki, esta e klase trahadó i su famia. Empresarionan ku ta bin Boneiru, probechando di e insentivanan fiskal i otro insentivanan pa hasi nan invershon atraktivo i kere ku nan ta bin burla di nos leinan, violá nos leinan laboral, abusá i eksplotá e klase trahadó i falta ku tur klase di rèspèt den e relashon humano lo topa ku un sindikalismo fuerte i disidido den nan kaminda. Sindikalismo lo usa tur instrumento na su alkanse pa denunsiá e empresarionan di mala fe aki tantu lokalmente komo internashonalmente. Nan lo keda deklará komo non grata pa ta riba e isla aki ku e propósito pa mas lihé posibel nan paketá i laga kai. Simplemente nos no ke nan aki. Boneiru ta di nos tur i pa nos tur. Huntu nos ta forma Boneiru. Pues empresario i e klase trahadó no ta ni por ta pará kontra di otro sino nan mester para huntu ku otro pa e empresa por floresé, pero pareu kuné esun ku ta yuda e empresa floresé ku su labor tambe mester tin garantia di trabou, kontinuidat di trabou i partispashon hustu i rasonabel den e benefisionan. E mester tin perspektiva. Definitivamente e tempu a pasa ku ta usa trahadó komo number. E ta un ser humano ku meresé ku ta rekonosé den su balornan.


Tratadonan di ILO na kua Ulanda ta afiliá ta papia di: - Tratado 144 di aña 1976 ku ta trata di konsulta a base di igualdat, partisipashon i konsenso entre dunadó di trabou i representante di e trahadó.

- Tratado di 1998 ta trata di 4 prinsipio fundamental di derecho riba trabou, bou di kua e derecho di negoshá kolektivamente, pues CAO i libertat di trahadónan di organisá nan mes den un sindikato i e prohibishon di deskriminashon riba flur di trabou.

- Tratado di aña 2008 tokante hustisia sosial, esta kondishonnan laboral husto.

- Tratado di aña 2019 ku ta trata inklushon i un futuro sigur di trabou ku trabou desente pa tur hende. E tratado aki hasta formalmente a keda adoptá pa Nashonnan Uní.


Pues e tratadonan aki no ta palabranan bashí i sindikalismo di Boneiru di aña 2023 lo perkurá pa e tratadonan aki keda implementá i respetá inkondishonalmente. Loke ta pasando na Boneiru ku aktuashon di sierto empresarionan ta simplemente inakseptabel i mester kòrta e desaroyo aki den tòm pa e no plama i bira aweró inkontrolabel. Na promé lugá e lucha sindikal mester di apoyo fuerte i masal di e klase trahadó pa uni nan mes den un sindikato. Na di dos lugá sindikalismo ku e organisashon di dunadónan di trabou mester sera un konvenio di konsientisashon pa tur empresario atené nan mes na nos lei- i reglanan lokal i esnan internashonal i esnan ku ta rigí derechonan humano. Na di tres lugá nos gobièrnu lokal ku ta e fasilitadó pa invershonistanan huntu ku Konseho Insular mester pone kondishonnan kla i determiná kon nan kier mira e ekonomia di Boneiru desaroyá den e sentido ku e ta sirbi tantu interesnan di kapital di e invershonista, pero alabes ta sirbi e interes di e kalidat di bida di e trahadó i su famia. Nos meser kibra definitivamente ku e pasado di sklabitut i kolonialismo ku pa siglos a empobresé nos pueblo tantu materialmente komo mentalmente. Sindikalismo lo no pèrnití pa destruí e Boneiru ku ta asina bunita deskribí den nos himno. Nos lo no para un banda i mira esnan hasidó di malu destruí nos isla. I esnan ku ta pensa di yega aki ku e mentalidat di menospresiá nos hendenan, nos kultura , nos kustumbernan i otro karakteristikanan ku a hasi Boneiru úniko, lo ta mal sirbí i sigur lo konfrontá ku un sindikalismo ku no ta bèk i ku lo hasi tur loke ta na su alkanse pa korigí i si no kier korigí e úniko solushon pa esnan di mala fe lo ta paketá i laga kai.

BròKèS 93.5 ………… Skuch’é!

6 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page