Direktor di TCB, Miles Mercera ta retirá i lo bandoná Boneiru
Den un komunikado di Cyrill Vrolijk skirbí pa Clark Abraham, Cyrill ta alabá diputado Clark Abraham ku e ta hasi masha bon di “Ruim op de boel” den departamento di finansa.
Diputado Clark a ‘ruim op de boel’ kompletamente en bèrdat, dor di su arogansia i kere ku e sa tur kos. El a ‘ruim op de boel’ te pone ku den departamento di finansa tur posishonnan haltu a bati bai laga gobièrnu. Awor e la ruim op den ofisina di turismo (TCB) tambe pone ku direktor di TCB Miles Mercera tambe a entrega su retiru.
Laga nos ta hopi kla, ta públikamente konosí ku e gobièrnu aktual a kòrta den e presupuesto di TCB. Den último añanan TCB por a konta ku un presupuesto total di algu mas ku 3 mion dòler pa aña. Pa 2024 a kòrta e presupuesto di TCB ku mas di 1 mion dòler te na 2 mion dòler entre tantu gastunan di trahadó si a subi den 2024.
Miles a atvertí pa e konsekuensianan desastroso ku esaki lo tin i a mustra su mal kontentu riba esaki públikamente tambe.
Dor di e kòrtamentu den e presupuesto akí TCB mester a kanselá kontrakt ku e kompania Merikano ku ta partner pa hasi promoshon i traha aviso pa promové Boneiru.
Esaki despues ku na 2022 Miles, TCB i e gobièrnu di e tempu ei a sòru pa firma un kontrakt ku e kompania aki despues di un destaho públiko.
Miles mester a laga kanselá mayoria promoshon na Merka pasobra no tin sèn pa esaki.
Dor di kòrta den e presupuesto Miles mester a kanselá tambe mayoria 'Taste of Bonaire' i
'Bario Festival' planiá pa e aña akí. Mester a kòrta den tur proyekto di enkuesta pa haña
dato pa por a prepará plan pa laga nos turismo floresé.
Mester a para mayoria kontrakt firmá ku artistanan lokal pa promoshon di Boneiru i asina hopi mas kos mester a para. Ta esaki Cyrill Vrolijk kier mèn ku ta di aploudí ku Diputado Abraham ta ‘ruim op de boel’?
Miles a hasi tremendo trabou na TCB i nos sa ku Miles pa su karera profeshonal ku e tin ku sigui kuné lo keda diplomátiko den su rason dikon el a retirá komo direktor di TCB i nos ta komprondé i respetá esei.
Niun hende no por desmentí si ku Miles i TCB último lunanan no tabata kontentu ètòl kon kosnan tabata kanando den koperashon ku Gobièrnu i Diputado Abraham.
Algun siman pasa Diputado Abraham a asta skirbi públikamente riba media sosial
kontradisiendo Miles bisando ku TCB ta gaña bisando ku nan presupuesto a baha. Awor
diputado a haña loke e tabata ke i probablemente tin un ‘friends and family’ kla pa drenta na e posishon di direktor kaba.
Ta esaki ta loke ku Cyrill tabata kier men ku ‘ruim op de boel’?
.png)
Comments